រដ្ឋបាលខេត្តកែបអំពាវនាវដល់សាធារណជនរួមមានទាំងម្ចាស់អាជីវកម្ម និងសប្បុរសជន ជួយឧបត្ថម្ភជាថវិកា និងសម្ភារប្រើសម្រាប់រៀបចំព្រឹត្តិការណ៍ឆ្លងឆ្នាំ ដើម្បីអបអរខួប៤០នៃ ទិវា៧មករា។
រដ្ឋបាលខេត្តកែបបានចេញលិខិតកាលពីថ្ងៃទី២២ ខែធ្នូ បញ្ជាក់ថា ថ្ងៃទី៣០-៣១ ខែធ្នូ ខេត្តនឹងមានរៀបចំព្រឹត្តិការណ៍ជាច្រើន ដើម្បីឲ្យភ្ញៀវទេសចរណ៍ជាតិ និងអន្តរជាតិចូលរួមកំសាន្តសប្បាយ។
ព្រឹត្តិការណ៍ដែលខេត្តកែបរៀបចំរួមមាន អុំទូកផ្កាចារសមុទ្រ បង្ហើរខ្លែង បង្ហោះគោម ប្រគំតន្ត្រី និងអុចកាំជ្រួចជាដើម។ រដ្ឋបាលខេត្តកែបបញ្ជាក់ថា រៀបចំកម្មវិធីឆ្លងឆ្នាំនេះ ដើម្បីអបអរថ្ងៃទិវាបុណ្យជាតិជ័យជម្នះ៧មករា ខួបទី៤០។
សាលាខេត្តក៏បានអំពាវនាវឲ្យ ឥស្សរជន ម្ចាស់ជីវកម្ម និងសប្បុរសជនជួយឧត្ថម្ភជាសម្ភារ និង ថវិកា ដើម្បីរៀបចំកម្មវិធីទាំងនេះ។។