ក្រុមប្រឹក្សាធម្មនុញ្ញ បានអនុម័តច្បាប់ស្តីពីវិសោធនកម្មមាត្រា៤៥ថ្មី (ស្ទួន)នៃច្បាប់ស្តីពីគណបក្សនយោបាយ តាមការស្នើសុំរបស់ប្រធានរដ្ឋសភា។
ក្នុងសេចក្តីប្រកាសព័ត៌មានរបស់ក្រុមប្រឹក្សាធម្មនុញ្ញ ចុះផ្សាយនៅថ្ងៃទី២៨ ខែធ្នូនេះ ថា ក្រុមប្រឹក្សាធម្មនុញ្ញបានអនុម័តជាឯកឆន្ទ ដោយចំនួនគាំទ្រ ០៨សំឡេង នៃចំនួនសមាជិកក្រុមប្រឹក្សាធម្មនុញ្ញទាំងមូល (អវត្តមាន០១អង្គដោយសារប្រឈួន) ដោយថា ការធ្វើវិសោធនកម្មមាត្រា៤៥ថ្មី (ស្ទួន) នៃច្បាប់ស្តីពីគណបក្សនយោបាយស្របនឹងច្បាប់រដ្ឋធម្មនុញ្ញ។
រដ្ឋសភា កាលពីថ្ងៃទី១៣ ខែធ្នូនេះ បានប្រជុំពេញអង្គសម្រេចធ្វើវិសោធនកម្មមាត្រា៤៥ថ្មី (ស្ទួន) នៃច្បាប់ស្តីពីគណបក្សនយោបាយ តាមការស្នើសុំរបស់តំណាងរាស្ត្របក្សកាន់អំណាចចំនួន៨៧រូប ដោយថា ដើម្បីបើកផ្លូវឲ្យអ្នកនយោបាយដែលតុលាការកំពូលសម្រេចហាមមិនឲ្យធ្វើនយោបាយ មានសិទ្ធិធ្វើសកម្មភាពនេះឡើងវិញ។
គួរបញ្ជាក់ថា ច្បាប់ស្តីពីគណបក្សនយោបាយនេះ ត្រូវបានរដ្ឋាភិបាលបក្សកាន់អំណាច ធ្វើវិសោធនកម្មចំនួន២ដងមកហើយ ដែលលើកទី១ ធ្វើនៅថ្ងៃទី៧ ខែមិនា ឆ្នាំ២០១៧ និងលើកទី២ នៅថ្ងៃទី២៧ ខែកក្កដា ឆ្នាំ២០១៧ ក្រោយពីស្ថានការនយោបាយនៅកម្ពុជាឡើងកម្តៅ៕