វិមានឈ្នះឈ្នះចំណាយអស់១២លានដុល្លារ

លោកនាយករដ្ឋមន្ត្រី ហ៊ុន សែន បញ្ជាក់ថា វិមានឈ្នះឈ្នះដែលបើកសម្ពោធថ្ងៃនេះ បានចំណាយ​ថវិកាអស់១២លានដុល្លារ ហើយត្រៀមថវិកាមួយចំនួនសម្រាប់ចំណាយបន្ថែមទៀត។​

ក្នុងពិធីសម្ពោធនៅព្រឹកនេះ លោកនាយករដ្ឋមន្ត្រីបញ្ជាក់ថា ថវិកាចំណាយទាំងនេះភាគច្រើនជារបស់សាលារាជធានីភ្នំពេញ និងមានការជួយមួយផ្នែកពីលោកឧកញ៉ា លី យ៉ុងផាត់។​

លោកនាយករដ្ឋមន្ត្រីបញ្ជាក់ថា មានការត្រៀមថវិកាបន្ថែមតាមតម្រូវការគណៈកម្មាការសាង សង់។​

លោក ហ៊ុន សែន៖ «ឥឡូវនេះ ថវិកាបានត្រៀមបម្រុងទុករួចទៅហើយ បញ្ហាធំបំផុតតើត្រូវការ ប៉ុន្មាន?​»។

លោកនាយករដ្ឋមន្ត្រីបញ្ជាក់ថា វិមានឈ្នះឈ្នះនេះ បើកឲ្យសាធារណជនទាំងជាតិ និង អន្តរជាតិ អាចទៅសិក្សាស្វែងយល់ពីប្រវត្តិសាស្ត្រ និងកំសាន្ត ឬហាត់ប្រាណក្នុងបរិវេណនោះបាន។​