គណបក្សប្រជាធិបតេយ្យមូលដ្ឋាន(គ ប ម)បញ្ជាក់ជំហរថា មិនគាំទ្រចំពោះរដ្ឋាភិបាល ក្នុងការចាក់ដីលុបបឹងតាមោក ឬបឹងទំនប់កប់ស្រូវ ដើម្បីរៀបចំជាផ្សារបន្លែនោះទេ។
នៅលើហ្វេសប៊ុករបស់គណបក្សប្រជាធិបតេយ្យមូលដ្ឋាននៅថ្ងៃនេះ បានបញ្ជាក់ថា គណបក្សគាំទ្រការប្តូរទីតាំងផ្សារបន្លែទៅជាយក្រុង ដើម្បីកាត់បន្ថយការកកស្ទះចរាចរណ៍ និង គ្រប់គ្រងគុណភាពបន្លែផ្លែឈើឲ្យមានប្រសិទ្ធិភាព។
ប៉ុន្តែគណបក្សនេះ បញ្ជាក់ថា មិនគាំទ្រឲ្យលុបបោះតាមោកជាបឹងធម្មជាតិចុងក្រោយនៅ រាជធានីភ្នំពេញនេះទេ។
ហ្វេសប៊ុក គ ប ម៖ «គបម មិនគាំទ្រការលុបបឹងតាមោកដែលជាបឹងធម្មជាតិខ្នាតធំចុងក្រោយនៅរាជធានីភ្នំពេញដើម្បីបង្កើតផ្សារបន្លែទេ។ការរក្សាបឹងធម្មជាតិចុងក្រោយនេះគឺជាផ្នែកមួយដ៏សំខាន់នៃការគ្រប់គ្រងរាជធានី ដើម្បីសោភ័ណភាព និងសុខុមាលភាពរបស់ប្រជាពលរដ្ឋរស់នៅភ្នំពេញ។»
គបម ក៏បានអំពាវនាវឲ្យរាជរដ្ឋាភិបាលពិចារណាឡើងវិញដោយយកចិត្តទុកដាក់ និងមានទស្សនវែងឆ្ងាយក្នុងការសម្រេចលុបបឹងតាមោក។