ប្រធានាធិបតីសហរដ្ឋអាមេរិកយល់ព្រមទម្លាក់គោលបំណងសាងសង់ជញ្ជាំងនៅតាមព្រំដែនជាមួយប្រទេសម៉ិចស៊ិកសិន ដើម្បីបញ្ចប់ភាពជាប់គាំងនយោបាយ អាចទទួលបានថវិកាសម្រាប់ឲ្យមន្ត្រីដំណើរដូចធម្មតាវិញ។
ដំបូងឡើយលោក ដូណាល់ ត្រាំ ជាប្រធានាធិបតីចេញពីគណបក្សសាធារណរដ្ឋទាមទារឲ្យសភាអនុម័តកញ្ចប់ថវិកាមិនតិចជាង ៥,៧ ប៊ីលានដុល្លារ ដើម្បីសាងសង់ជញ្ជាំងតាមព្រំដែនជាមួយប្រទេសម៉ិចស៊ិកតាមការសន្យាពេលយុទ្ធនាការបោះឆ្នោត។
ប៉ុន្តែសំណើរនេះត្រូវគណបក្សប្រជាធិបតេយ្យជំទាស់ ហើយដោយសារសំឡេងខាងគណបក្សសាធារណរដ្ឋមិនគ្រប់ក្នុងការអនុម័តបណ្តាលឲ្យផ្នែកខ្លះនៃរដ្ឋាភិបាលមិនមានលុយសម្រាប់ដំណើរការទាំងផ្តល់សេវាដល់ពលរដ្ឋ និង មិនមានប្រាក់បើកប្រាក់ខែឲ្យមន្ត្រីអស់រយៈពេល៣សប្តាហ៍។
កាលពីល្ងាចថ្ងៃសុក្រម្សិលមិញ រដ្ឋសភា និងព្រឹទ្ធសភាអាមេរិក បានអនុម័តកញ្ចប់ថវិកា ក្រោយពេលលោក ត្រាំ ព្រមចុះហត្ថលេខាលើច្បាប់ថវិកាដោយមិនមានកញ្ចប់សម្រាប់សាងសង់ជញ្ជាំងតាមព្រំដែន។
លោក ត្រាំ បានសរសេរលើបណ្តាញ Twitters របស់លោក ដោយអំពាវនាវឲ្យពលរដ្ឋអាមេរិក ស្វែងយល់ពីគោលបំណងនៃការសាងសង់ជញ្ជាំង។ លោកថា គ្មានផ្លូវដែលលោកបោះបង់នោះទេ ប៉ុន្តែថា ពេលនេះ លោកសម្រេចចិត្តទម្លាក់ចុះសិន ព្រោះដើម្បីការពារមនុស្សរាប់លាននាក់ដែលរងផលប៉ះពាល់យ៉ាងអាក្រក់ពីការជាប់គាំងរដ្ឋាភិបាលនេះ។
លោក ត្រាំ ក៏បានលើកឡើងដែរថា លោកមានមោទនភាពចំពោះពលរដ្ឋអាមេរិក លោកថា ពលរដ្ឋអាមេរិកជាពលរដ្ឋអស្ចារ្យ ហើយសារនយោបាយរបស់លោកដែលថា ធ្វើឲ្យអាមេរិកក្លាយជាប្រទេសខ្លាំងក្លាអស្ចារ្យម្តងទៀត មិនអាចសម្រេចបានទេ បើគ្មានការចូលរួមពីពលរដ្ឋទាំងនេះ។
— Donald J. Trump (@realDonaldTrump) January 25, 2019
