ក្រុមការងារត្រួតពិនិត្យសិទ្ធិមនុស្សរបស់អង្គការសហប្រជាជាតិនឹងត្រួតពិនិត្យលើរបាយការណ៍កម្ពុជានៅថ្ងៃទី៣០ ខែមករានេះ។
តាមសេចក្តីប្រកាសព័ត៌មានរបស់ការិយាល័យសិទ្ធិមនុស្សនៃអង្គការសហប្រជាជាតិកាលពីម្សិលមិញ គឺការពិនិត្យលើរបាយការណ៍សិទ្ធិមនុស្សកម្ពុជានឹងធ្វើឡើងនៅថ្ងៃទី៣០ ខែមករា ទីតាំងនៅក្នុងទីក្រុងសឺណែវ ប្រទេសស្វីស។
កម្ពុជាគឺជាប្រទេសមួយក្នុងចំណោមប្រទេស១៤ផ្សេងទៀត ដែលក្រុមការងារត្រួតពិនិត្យសិទ្ធិមនុស្សជាសកលត្រូវត្រួតពិនិត្យចាប់ពីថ្ងៃទី២១ ខែមករា ដល់ថ្ងៃទី១ ខែកុម្ភៈ។ ដំណើរការត្រួតពិនិត្យនេះនឹងឡាយផ្ទាល់នៅក្នុង UN Web TV ផងដែរ។
ក្រុមការងារត្រួតពិនិត្យសិទ្ធិមនុស្សជាសកលនៃអង្គការសហប្រជាជាតិបានត្រួតពិនិត្យលើរបាយការណ៍សិទ្ធិមនុស្សកម្ពុជា២លើករួចមកហើយ គឺលើកទី១ខែ ធ្នូឆ្នាំ ២០០៩ និង ខែមករា ឆ្នាំ២០១៤។