នគរបាលជាតិបញ្ជាក់ថា គ្រោះថ្នាក់ចរាចរណ៍ផ្លូវគោកក្នុងពិធីចូលឆ្នាំចិនឆ្នាំនេះ បានសម្លាប់មនុស្ស៣៦នាក់ ដែលចំនួននេះថយចុះ១៨ភាគរយបើធៀបទៅនឹងឆ្នាំមុន ។
អគ្គស្នងការនគរបាលជាតិ ឲ្យដឹងតាមរបាយការណ៍ ដែលបានបង្ហាញនៅថ្ងៃព្រហស្បតិ៍នេះថា រយៈពេល៤ថ្ងៃនៃពិធីចូលឆ្នាំចិន គ្រោះថ្នាក់ចរាចរណ៍បានកើតឡើង៦៧លើក សម្លាប់មនុស្ស៣៦នាក់ បង្កឲ្យរងរបួស៨៩នាក់ ខណៈឆ្នាំ២០១៨ មានមនុស្សស្លាប់ ៤៤នាក់ របួស៩១នាក់ ។
របាយការណ៍ដដែលបញ្ជាក់ថា មូលហេតុគ្រោះថ្នាក់ក្នុងពិធីចូលឆ្នាំចិនឆ្នាំ២០១៩នេះ បង្កឡើងដោយល្បឿន២៦លើក មិនប្រកាន់ស្តាំ១៤លើក មិនគោរពសិទ្ធិ៩ និងស្រវឹង៦ជាដើម។
