មេដឹកនាំសហរដ្ឋអាមេរិក លោក ដូណាល់ ត្រាំ និងមេដឹកនាំចិន លោក ស៊ី ជីនពីង គ្រោងជ្រើសរើសយកទីក្រុងដាណាងជាប់មាត់សមុទ្រនៃប្រទេសវៀតណាមធ្វើជាកន្លែងជួបគ្នានៅចុងខែកុម្ភៈនេះ ដើម្បីដោះស្រាយជម្លោះពាណិជ្ជកម្ម។
តាមការចុះផ្សាយរបស់South China Morning Post ដោយដកស្រង់ខ្លឹមសារពីកិច្ចប្រជុំរបស់មន្ត្រីជំនាញចិន និងអាមេរិកគឺ មេដឹកនាំចិន និង មេដឹកនាំអាមេរិក គ្រោងជួបគ្នានៅប្រទេសវៀតណាមចន្លោះពីថ្ងៃទី២៧ ដល់ថ្ងៃទី២៨ ខែកុម្ភៈ។ គោលបំណងនៃការជួបគ្នានេះគឺដើម្បីដោះស្រាយជម្លោះពាណិជ្ជកម្មរបស់ប្រទេសទាំងពីរ។
ចំណែកជំនួបរវាងមេដឹកនាំអាមេរិក និងមេដឹកនាំកូរ៉េខាងជើងក៏គ្រោងជួបគ្នានៅប្រទេសវៀតណាមដែរ ដើម្បីដោះស្រាយកម្មវិធីអាវុធនុយក្លេអ៊ែ។
ទោះយ៉ាងណាមន្ត្រីពាក់ព័ន្ធនៅមិនទាន់ផ្តល់ព័ត៌មានលម្អិតពីជំនួបទាំងពីរក្រុមរវាងមេដឹកនាំអាមេរិកជាមួយមេដឹកនាំចិន និង ជំនួបមេដឹកនាំអាមេរិកជាមួយមេដឹកនាំកូរ៉េខាងជើងនៅឡើយទេ។