ក្រុមហ៊ុនអាកាសចរណ៍វៀតណាមទទួលបានសិទ្ធិហោះហើរដោយផ្ទាល់ទៅសហរដ្ឋអាមេរិក ចាប់ពីខែកុម្ភៈនេះបន្ទាប់ពីមានការពិនិត្យឃើញថា វៀតណាមបំពេញលក្ខខណ្ឌស្តង់ដារអន្តរជាតិ។
សហព័ន្ធគ្រប់គ្រងអាកាសចរណ៍ស៊ីវិលនៃក្រសួងដឹកជញ្ជូនរបស់សហរដ្ឋអាមេរិកបានប្រកាសថា វៀតណាមបានបំពេញលក្ខខណ្ឌស្តង់ដារសុវត្ថិភាពអន្តរជាតិបន្ទាប់ពីមានការវាយតម្លៃពីទីភ្នាក់ងារសុវត្ថិភាពអាកាសចរណ៍អន្តរជាតិ។នេះបើតាមទីភ្នាក់ងារព័ត៌មានវៀតណាម។
ដំណើរការហោះហើរដោយផ្ទាល់នេះចាប់ផ្តើមពីថ្ងៃទី១៥ខែកុម្ភៈឆ្នាំ២០១៩។ អគ្គនាយកអាជ្ញាធរអាកាសចរណ៍ស៊ីវិលវៀតណាមលោក Dinh Viet Thang ថ្លែងថា នេះជាដំណើរការបើកមុខមាត់ថ្មីរបស់វៀតណាមបន្ថែមទៀតលើឆាកអន្តរជាតិ។
កាលពីមុនជើងហោះហើររបស់វៀតណាមមិនអាចហោះហើរផ្ទាល់ទៅសហរដ្ឋអាមេរិកទេគឺបើចង់ទៅអាមេរិកត្រូវចុះចតនៅនៅតាមបណ្តាប្រទេសផ្សេងៗទៀតដូចជា ចិន ហុងកុង និង ជប៉ុនជាដើម។