ព័ត៌មានទាន់ហេតុការណ៌, សន្តិសុខ

ជនជាតិចិន ៤នាក់ រងរបួសក្នុងគ្រោះអគ្គិភ័យនៅសាកលវិទ្យាល័យខេមរៈ

កញ្ញា ស៊ីម ដាណេ
| ២២ កុម្ភៈ ២០១៩
ម៉ោង ១៤:១២

ក្រុមពន្លត់អគ្គិភ័យជួយសង្គ្រោះជនរងគ្រោះ ក្រោយបន្ទប់ការិយាល័យសាកលវិទ្យាល័យខេមរៈ ត្រូវបានឆ្លងចរន្តអគ្គិសនី ឆាបឆេះ កាលពីវេលាម៉ោង១និង២០នាទីរំលងអាធ្រាត្រ ឈានចូលថ្ងៃទី២២ ខែកុម្ភៈ ឆ្នាំ២០១៩ តាមណ្តោយផ្លូវ១៩៨៦ សង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ ។ រូបភាព៖ វេបសាយ អគ្គស្នងការនគរបាលជាតិ

ជនជាតិចិន៤នាក់ បានរបួសដោយសារលោតចុះពីលើអគារជាន់ទី២ នៅពេលដែលមានអគ្គិភ័យកើតឡើងនៅសាកលវិទ្យាល័យខេមរៈ កាលពីម៉ោង១:២០នាទីរំលងអាធាត្រថ្ងៃនេះ។

យោងតាមគេហទំព័ររបស់អគ្គស្នងការនគរបាលជាតិបានឲ្យដឹងថា បន្ទប់ការិយាល័យសាកលវិទ្យាល័យខេមរៈ ត្រូវបានអគ្គិភ័យឆាបឆេះដោយសារមូលហេតុឆ្លងចរន្តអគ្គសនី។

ប្រធានការិយាល័យបង្កានិងពន្លត់អគ្គិភ័យនៃស្នងការដ្ឋានរាជធានីភ្នំពេញ លោក ព្រហ្ម យ៉ត បានប្រាប់ វី.អូ.ឌី បន្ថែមថា ជនជាតិចិន៤នាក់ដែលរងរបួស គឺជាសាស្ត្រាចារ្យភាសាចិនស្នាក់នៅក្នុងអគារសាកលវិទ្យាល័យ។

កាលពីឆ្នាំ២០១៨កន្លងទៅ អគ្គិភ័យ បានកើតឡើងចំនួន ៥៣៤ករណី នៅ ទូទាំងប្រទេស ដែលបណ្ដាលឲ្យមនុស្ស ២២នាក់ ស្លាប់ និង៤៩នាក់ របួស៕

រក្សាសិទ្វិគ្រប់យ៉ាងដោយ ស៊ីស៊ីអាយអឹម

សូមបញ្ជាក់ថា គ្មានផ្នែកណាមួយនៃអត្ថបទ រូបភាព សំឡេង និងវីដេអូទាំងនេះ អាចត្រូវបានផលិតឡើងវិញក្នុងការបោះពុម្ពផ្សាយ ផ្សព្វផ្សាយ ការសរសេរឡើងវិញ ឬ ការចែកចាយឡើងវិញ ដោយគ្មានការអនុញ្ញាតជាលាយលក្ខណ៍អក្សរឡើយ។
ស៊ីស៊ីអាយអឹម មិនទទួលខុសត្រូវចំពោះការលួចចម្លងនិងចុះផ្សាយបន្តណាមួយ ដែលខុស នាំឲ្យយល់ខុស បន្លំ ក្លែងបន្លំ តាមគ្រប់ទម្រង់និងគ្រប់មធ្យោបាយ។ ជនប្រព្រឹត្តិ និងអ្នកផ្សំគំនិត ត្រូវទទួលខុសត្រូវចំពោះមុខច្បាប់កម្ពុជា និងច្បាប់នានាដែលពាក់ព័ន្ធ។