ម្ចាស់ហាងកាត់សក់មួយកន្លែងនៅវៀតណាមប្រកាសកាត់សក់ដោយមិនគិតថ្លៃចំពោះអ្នកដែលចង់កាត់សក់ម៉ូតរបស់មេដឹកនាំអាមេរិក និង មេដឹកនាំកូរ៉េខាងជើង។
ការប្រកាសកាត់សក់ដោយមិនគិតថ្លៃនេះ បន្តរហូតដល់ថ្ងៃទី២៨ខែកុម្ភៈជា ពេលដែលលោក ដូណាល់ ត្រាំ ប្រធានាធិបតីអាមេរិក និង លោក គីម ជុងអ៊ុន មេដឹកនាំកូរ៉េខាងជើងជួបគ្នានៅក្នុងប្រទេសវៀតណាមដើម្បីចរចាលើចំណុចផ្សេងៗក្នុងនោះរួមទាំងកម្មវិធីអាវុធនុយក្លេអ៊ែ។
ម្ចាស់ហាងកាត់សក់ក្នុងទីក្រុងហាណូយលោក Le Tuan Duong ថ្លែងប្រាប់ទីភ្នាក់ងារព័ត៌មានរ៉យទ័រថា លោកកាត់សក់មិនគិតថ្លៃនេះដោយសារលោក គាំទ្រជំនួបមេដឹកនាំទាំងពីរ លោក ស្រលាញ់សន្តិភាព ស្អប់សង្គ្រាម ព្រោះសាច់ញាតិលោកមួយចំនួនស្លាប់ក្នុងសម័យសង្គ្រាមវៀតណាម។
ចំណែកអតិថិជនមួយចំនួនដែលសម្រេចចិត្តកាត់សក់ម៉ូតនេះ ដោយពួកគេបញ្ជាក់ថា ជាមោទនភាពរបស់វៀតណាម ហើយអ្នកខ្លះថា ពួកគេស្រលាញ់លោកគីម ជុងអ៊ុន ហើយអ្នកខ្លះទៀតថា ស្រលាញ់លោក ដូណាល់ ត្រាំ។
