នាវាកងកម្លាំងស្វ័យការពារជប៉ុន២គ្រឿងចូលចតនៅកំពង់ផែខេត្តព្រះសីហនុរយៈពេល៤ថ្ងៃ ចាប់ពីថ្ងៃទី២៥ ខែកុម្ភៈ ដល់ថ្ងៃទី២៨ ខែកុម្ភៈ ឆ្នាំ២០១៩។
យោងតាមការចុះផ្សាយលើទំព័រហ្វេសប៊ុករបស់អគ្គនាយកដ្ឋានអន្តោប្រវេសន៍ នាវាកងកម្លាំងស្វ័យការពារជប៉ុន២គ្រឿងបានចូលចតនៅកំពង់ផែខេត្តព្រះសីហនុ។ នាវាទី១ មានឈ្មោះថា សេតូយូគិ និងនាវាទី២ មានឈ្មោះថា សេម៉ាយូគិ ដែលនាវាទាំងពីរមានបណ្ដោយ១៣០ម៉ែត្រ និងទទឹង១៣.៦០ម៉ែត្រ និងមាននាវិកសរុប៣៣៤នាក់ ដឹកនាំដោយមេបញ្ជាការនាវា លោក ណាអូណាកាដេរ៉ា។
នាវាពីរគ្រឿងនេះមកទស្សនៈកិច្ចក្នុងគោលបំណងរឹតចំណងសាមគ្គីភាព បង្កើនកិច្ចសហប្រតិបត្តិការ និងទំនាក់ទំនងល្អរវាងប្រទេសកម្ពុជា-ជប៉ុន។
កាលពីខែមករាកន្លងទៅ នាវាចម្បាំងចិន៣គ្រឿង ក៏បានចូលចតនៅកំពង់ផែស្វយ័តក្រុងព្រះសីហនុដើម្បីពង្រឹងកិច្ចសហប្រតិបត្តិការយោធាប្រទេសទាំងពីរផងដែរ៕
