បរបាយការណ៍របស់ក្រសួងមហាផ្ទៃបង្ហាញថា ចំនួននៃបទល្មើសចោរឆក់ឥវ៉ាន់នៅឆ្នាំ២០១៨ មានការកើនឡើងជាង៣០០ករណីបើប្រៀបធៀបជាមួយឆ្នាំ២០១៧។ នេះបើតាមការចុះផ្សាយរបស់គេហទំព័រនគរបាលជាតិ។
នគរបាលជាតិចុះផ្សាយថា នៅក្នុងកិច្ចប្រជុំកាលពីម្សិលមិញ នាយកដ្ឋានកណ្តាលនគរបាលយុត្តិធម៌ និងនាយកដ្ឋានកណ្តាលសណ្តាប់ធ្នាប់សាធារណៈបើកកិច្ចប្រជុំស្តីពីការបង្ក្រាបបទល្មើសឆក់ ហើយបង្ហាញរបាយការណ៍ថា ក្នុងឆ្នាំ២០១៨ករណីចោរឆក់ទូទាំងប្រទេសមានជាង៥០០ករណីនោះ ដែលរបាយការណ៍នេះកើនឡើងជាង៣០០ករណីបើប្រៀបធៀបឆ្នាំ២០១៧។
របាយការណ៍បញ្ជាក់ថា ក្នុងចំណោមជាង៣០០ករណីនេះគឺនៅភ្នំពេញកើនឡើង២០៤ករណី។ ខណ្ឌនៅភ្នំពេញដែលមានបទល្មើសឆក់ច្រើនជាងគេគឺនៅ ខណ្ឌដូនពេញ ខណ្ឌ៧មករា ខណ្ឌចំការមន និង ខណ្ឌទួលគោក។