ព័ត៌មានទាន់ហេតុការណ៌, សន្តិសុខ

អាជ្ញាធរ រកឃើញគ្រាប់មិនទាន់ផ្ទុះជាង២០០គីឡូនៅខេត្តកណ្ដាល

កញ្ញា ស៊ីម ដាណេ
| ០៥ មីនា ២០១៩
ម៉ោង ១៣:២៨

គ្រាប់ទំលាក់ពីលើយន្ដហោះB52របស់សហរដ្ឋអាមេរិកម៉ាក MK82 ដែលមានទម្ងន់២២៧គីឡូក្រាមចំនួន១គ្រាប់ ត្រូវបានសមត្ថកិច្ចនគរបាលខេត្ដកណ្ដាល សហការជាមួយមន្រ្ដីជំនាញនៃមជ្ឈមណ្ឌលសកម្មភាពកំចាត់មីនកម្ពុជា យកចេញពីស្រុកកណ្ដាលស្ទឹង កាលពីព្រឹកថ្ងៃទី៤ ខែមិនា ឆ្នាំ២០១៩ ដើម្បីយកទៅធ្វើការកំទេចចោលតាមជំនាញ បញ្ជៀសការគ្រោះថ្នាក់ដល់ប្រជាពលរដ្ឋ។ រូបភាព៖ អគ្គស្នងការនគរបាលជាតិ

អាជ្ញាធរខេត្តកណ្ដាល បានរកឃើញគ្រាប់មិនទាន់ផ្ទុះដែលបន្សល់ទុកពីសម័យសង្រ្គាម ម៉ាក MK82 ជាង២០០គីឡូ នៅស្រុកកណ្ដាលស្ទឹង ។

គេហទំព័ររបស់អគ្គស្នងការនគរបាលជាតិបានឲ្យដឹងថា កាលពីម្សិលមិញ អាជ្ញាធរបានសហការជាមួយមន្រ្តីជំនាញនៃមជ្ឈមណ្ឌលកំចាត់មីនកម្ពុជា (CMAC) យកគ្រាប់មិនទាន់ផ្ទុះម៉ាក MK82 ដែលមានប្រវែង១៥០មីលីម៉ែត្រ មុខកាត់២៧៤សង់ទីម៉ែត្រ និងមានទម្ងន់២២៧គីឡូក្រាម ចេញពីស្រុកកណ្ដាលស្ទឹង ខេត្តកណ្ដាល។ តាមប្រភពដដែល គ្រាប់មិនទាន់ផ្ទុះម៉ាក MK82 ជាប្រភេទគ្រាប់ទម្លាក់ពីលើយន្ដហោះ B52 របស់សហរដ្ឋអាមេរិក។

អគ្គស្នងការដ្ឋាននគរបាលជាតិ កាលពីថ្ងៃទី១ ខែមីនា ឆ្នាំ២០១៩កន្លងទៅ បានប្រគល់អាវុធចំនួន១១៩១៥ដើម ដែលខូចគុណភាពទៅមជ្ឈមណ្ឌលកំចាត់មីនកម្ពុជា (CMAC) ដើម្បីបន្សាប និងកាត់កម្ទេច៕

រក្សាសិទ្វិគ្រប់យ៉ាងដោយ ស៊ីស៊ីអាយអឹម

សូមបញ្ជាក់ថា គ្មានផ្នែកណាមួយនៃអត្ថបទ រូបភាព សំឡេង និងវីដេអូទាំងនេះ អាចត្រូវបានផលិតឡើងវិញក្នុងការបោះពុម្ពផ្សាយ ផ្សព្វផ្សាយ ការសរសេរឡើងវិញ ឬ ការចែកចាយឡើងវិញ ដោយគ្មានការអនុញ្ញាតជាលាយលក្ខណ៍អក្សរឡើយ។
ស៊ីស៊ីអាយអឹម មិនទទួលខុសត្រូវចំពោះការលួចចម្លងនិងចុះផ្សាយបន្តណាមួយ ដែលខុស នាំឲ្យយល់ខុស បន្លំ ក្លែងបន្លំ តាមគ្រប់ទម្រង់និងគ្រប់មធ្យោបាយ។ ជនប្រព្រឹត្តិ និងអ្នកផ្សំគំនិត ត្រូវទទួលខុសត្រូវចំពោះមុខច្បាប់កម្ពុជា និងច្បាប់នានាដែលពាក់ព័ន្ធ។