ព័ត៌មានទាន់ហេតុការណ៌, សិទ្ធិមនុស្ស

អាជ្ញាធរ ខេត្តត្បូងឃ្មុំហាមសហគមន៍ធ្វើពិធីប្រារព្ធទិវានារីអន្តរជាតិ

លោក ញឹម សុខន
| ០៨ មីនា ២០១៩
ម៉ោង ១០:១២

បេីទោះបីជា អាជ្ញាធរស្រុកបានមកបិតប្រកាសហាមឃាត់ប្រជាពលរដ្ឋនៅឃុំទន្លូង ស្រុកមេម៉ត់ ខេត្តត្បូងឃ្មុំ ក៍ប្រជាពលរដ្ឋភាគច្រេីនជាជាតិដេីមភាគតិចស្ទៀងនៅតែជួបជុំគ្នារៀបចំទិវាសិទ្ធិនារីអន្តរជាតិខួប ១០៨ ឆ្នាំ២០១៩ ហេីយពួកគាត់ការហាមឃាត់នេះជាការរំលោភសិទ្ធិជាមូលដ្ឋានរបស់គាត់ក្នុងការជួបប្រជុំនិងសម្ដែងមតិ។ រូបភាព៖ ហ្វេសប៊ុក Theng Savoeun

អាជ្ញាធរស្រុកមេមត់ ខេត្តត្បូងឃ្មុំ មិនអនុញ្ញាតិឲ្យសហគមន៍មូលដ្ឋាន ធ្វើពិធីអបអរទិវានារីអន្តរជាតិ ៨មីនា ដែលធ្វើឡើងនៅថ្ងៃនេះទេ បើទោះបីក្រសួងមហាផ្ទៃធ្លាប់ណែនាំថា ពួកគេអាចធ្វើសកម្មភាពបាន ដោយមិនចាំបាច់ជូនដំណឹងជាមុនក៏ដោយ។

លិខិតចុះថ្ងៃទី៧ ខែមីនា រដ្ឋបាលស្រុកមេមត់លើកឡើងថា ខ្លួនមិនអនុញ្ញតិឲ្យតំណាងសហគមន៍ និងប្រជាពលរដ្ឋមកពីឃុំទន្លុក ឃុំជំាក្រវៀន ឃុំដារ និង ឃុំចាន់មូល រៀបចំពីធីអបអរសារទរទិវាសិទ្ធិនារីអន្តរជាតិ ៨មីនា ទេ ដោយតម្រូវឲ្យសហគមន៍ទាំងនោះ រៀបចំសំណុំបែបបទស្នើសុំការទទួលស្គាល់ពីក្រសួងមហាផ្ទៃជាមុនសិន ទើបអាចធ្វើសកម្មភាពបាន។

លិខិតដែលអាជ្ញាធរហាមមិនឲ្យពលរដ្ឋរៀបចំពិធីរំលឹកខួបសិទ្ធិនារីអន្តរជាតិ ៨មីនា ឆ្នាំ២០១៩។រូបភាព៖ ហ្វេសប៊ុក Theng Savoeun

សេចក្តីណែនាំចុះថ្ងៃទី២៧ ខែវិច្ឆិកា ឆ្នាំ២០១៨ របស់ក្រសួងមហាផ្ទៃ បានលើកឡើងថា សមាគមអង្គការមិនមែនរដ្ឋាភិបាលដែលបានចុះបញ្ជីត្រឹមត្រូវ ព្រមទាំងសហគមន៍នានានៅមូលដ្ឋានមានសិទ្ធិសេរីភាពពេញលេញក្នុងការធ្វើសកម្មភាពក្នុងព្រះរាជាណាចក្រកម្ពុជាស្របតាមច្បាប់និងលិខិតបទដ្ឋានគតិយុត្តិព្រមទាំងលក្ខន្តិកៈរបស់ខ្លួន ដោយមិនចាំបាច់ជូនដំណឹងមុនឡើយ។

ទោះយ៉ាងណាក៏ដោយ តំណាងសហគមន៍លោក យ៉ែម គង់ ប្រាប់ VOD ថា មកដល់ពេលនេះការប្រារព្ធពិធីបានធ្វើឡើងតាមការគ្រោងទុកដោយគ្មានការរំខានពីអាជ្ញាធរឡើយ៕

រក្សាសិទ្វិគ្រប់យ៉ាងដោយ ស៊ីស៊ីអាយអឹម

សូមបញ្ជាក់ថា គ្មានផ្នែកណាមួយនៃអត្ថបទ រូបភាព សំឡេង និងវីដេអូទាំងនេះ អាចត្រូវបានផលិតឡើងវិញក្នុងការបោះពុម្ពផ្សាយ ផ្សព្វផ្សាយ ការសរសេរឡើងវិញ ឬ ការចែកចាយឡើងវិញ ដោយគ្មានការអនុញ្ញាតជាលាយលក្ខណ៍អក្សរឡើយ។
ស៊ីស៊ីអាយអឹម មិនទទួលខុសត្រូវចំពោះការលួចចម្លងនិងចុះផ្សាយបន្តណាមួយ ដែលខុស នាំឲ្យយល់ខុស បន្លំ ក្លែងបន្លំ តាមគ្រប់ទម្រង់និងគ្រប់មធ្យោបាយ។ ជនប្រព្រឹត្តិ និងអ្នកផ្សំគំនិត ត្រូវទទួលខុសត្រូវចំពោះមុខច្បាប់កម្ពុជា និងច្បាប់នានាដែលពាក់ព័ន្ធ។