តុលាការធម្មនុញ្ញរបស់ថៃបានរំលាយគណបក្សថៃរក្សាឆាត (Thai Raksa Chart) ជាគណបក្សដែលបង្កើតឡើងដោយក្រុមអ្នកគាំទ្រខ្សែលោក ថាក់ ស៊ីន។
តុលាការធម្មនុញ្ញរបស់ថៃបានសម្រេចកាលពីថ្ងៃព្រហស្បតិ៍ម្សិលមិញ ដោយចោទថា បានប្រមាថដល់រដ្ឋធម្មនុញ្ញ។ ដំបូងឡើយ គណបក្សនេះតែងតាំងបងស្រីរបស់ស្តេច គឺម្ចាស់ក្សត្រី អ៊ុប៊ុលរ៉ាតាណា ជាបេក្ខជននាយករដ្ឋមន្ត្រី ក្រោយមកមានប្រតិកម្មពីខាងព្រះបរមរាជវាំង តុលាការធម្មនុញ្ញក៏ចាប់ផ្តើមស៊ើបអង្កេតរឿងនេះ ហើយឈានដល់ការរំលាយ។
ក្រៅពីការរំលាយគណបក្សនេះ តុលាការក៏បានចេញបំរាមដល់ថ្នាក់ដឹកនាំគណបក្សនេះចំនួន១០រូប មិនឲ្យធ្វើនយោបាយចំនួន១០ឆ្នាំ។
តាមគម្រោងថៃនឹងរៀបចំការបោះឆ្នោតនៅថ្ងៃទី២៤ ខែមីនានេះ បន្ទាប់ពីមានរដ្ឋប្រហារយោធាកាលពីខែឧសភា ឆ្នាំ២០១៤។