រដ្ឋអាជ្ញានៃតុលាការព្រហ្មទណ្ឌអន្តរជាតិ (ICC) បញ្ជាក់ថា ស្ថាប័ននេះនៅតែបន្តនីតិវិធីលើឧក្រិដ្ឋកម្មប្រឆាំងមនុស្សជាតិនៅក្នុងប្រទេសហ្វីលីពីន បើទោះជារដ្ឋមួយនេះបានសម្រេចដកខ្លួនចេញពីសមាជិកកាលពីថ្ងៃអាទិត្យកន្លងទៅក៏ដោយ។
រដ្ឋអាជ្ញា Fatou Bensounda ថ្លែងថា តុលាការអន្តរជាតិនេះនៅតែមានអំណាចក្នុងការស្រាវជ្រាវ និងកាត់សេចក្តីលើឧក្រិដ្ឋកម្មនៅក្នុងប្រទេសហ្វីលីពីននៅក្នុងអំឡុងពេលរដ្ឋនេះជាសមាជិក។ នេះបើតាមទីភ្នាក់ងារព័ត៌មានរ៉យទ័រ។
ចំណាត់ការរបស់តុលាការនៅពេលនេះផ្តោតលើសកម្មភាពរដ្ឋាភិបាលក្រោមការដឹកនាំរបស់លោក រ៉ូឌ្រីហ្គោ ឌូទើតេ សម្លាប់មនុស្សរាប់ពាន់នាក់ក្រៅប្រព័ន្ធតុលាការ ក្នុងសង្គ្រាមគ្រឿងញៀន។
