ក្រសួងទេសចរណ៍បានចេញសារាចរណែនាំដល់ម្ចាស់អាជីវកម្មឲ្យពង្រឹងគុណភាពផលិតផល និងរក្សាតម្លៃផលិតផល សេវាកម្មឲ្យបានសមរម្យក្នុងពេលបុណ្យចូលឆ្នាំ។
សារាចរណែនាំរបស់ក្រសួងទេសចរណ៍ចុះថ្ងៃទី២០ ខែមីនា ឆ្នាំ២០១៩ ឲ្យដឹងថា ម្ចាស់អាជីវកម្មត្រូវពង្រឹងគុណភាពផលិតផល រក្សាតម្លៃឲ្យបានសមរម្យ និងដាក់តារាងតម្លៃសេវា ដើម្បីចៀសវាងការយកតម្លៃខ្ពស់។
ប្រភពដដែលឲ្យដឹងថា ក្នុងឱកាសបុណ្យចូលឆ្នាំខ្មែរខាងមុខ ប្រតិបត្តិករទេសចរណ៍ត្រូវទប់ស្កាត់ការជួញដូរការប្រើប្រាស់គ្រឿងញៀន ការជួញដូរកុមារ និងទប់ស្កាត់រាល់សកម្មភាពក្មេងទំនើង។
កម្ពុជានឹងប្រារព្ធបុណ្យចូលឆ្នាំប្រពៃណីជាតិចាប់ពីថ្ងៃទី១៤ ដល់១៦ ខែមេសា ខាងមុខនេះ៕