អតីតតំណាងរាស្ត្របក្សប្រឆាំង លោក រៀល ខេមរិន្ទ ស្នើបង្កើតបក្សថ្មីក្រោយពេលទទួលបានសិទ្ធិធ្វើនយោបាយឡើងវិញ។
យោងតាមលិខិត ចុះថ្ងៃទី១៨ ខែមីនា គឺអតីតសមាជិកគណកម្មាធិការនាយក និងជាអតីតតំណាងរាស្ដ្រមណ្ឌលស្វាយរៀងរបស់គណបក្សសង្គ្រោះជាតិ លោក រៀល ខេមរិន្ទ បានស្នើបង្កើតបក្សថ្មីដែលមានឈ្មោះថា«គណបក្សចក្រភពខ្មែរ» ដើម្បីចូលរួមការប្រកួតប្រជែងសម្រាប់អាណត្តិក្រោយ។
ទោះយ៉ាងណាកាលពីម្សិលមិញ លោក ស ខេង រដ្ឋមន្ត្រីក្រសួងមហាផ្ទៃបានចេញលិខិតមួយបញ្ជាក់ថា ឈ្មោះចក្រភពខ្មែរជាឈ្មោះអតីតប្រវត្តិសាស្រ្តរបស់ប្រទេសកម្ពុជា ដូច្នេះលោកស្នើឲ្យតំណាងស្ថាបនិកគណបក្សនេះប្ដូរឈ្មោះជាថ្មី។
