ប្រជាពលរដ្ឋមកពីស្រុកចំនួនបីនៃខេត្តកោះកុងរាប់រយនាក់ ប្រមូលផ្តុំនៅមុខក្រសួងរៀបចំដែនដីនៅព្រឹកនេះ ដើម្បីស្នើសុំឲ្យមានការអន្តរាគមន៍ដោះស្រាយបញ្ហាដីធ្លីរបស់ពួកគាត់។
ប្រជាពលរដ្ឋដែលមានជម្លោះជាមួយក្រុមហ៊ុនស្ករអំពៅទាំងនេះ មកពីស្រុកស្រែអំបិល ស្រុកបុទុមសាគរ និងស្រុកថ្មបាំង។ ពួកគាត់ស្នើឲ្យរដ្ឋមន្ត្រីក្រសួងដែនដី លោក ជា សុផារ៉ា ជួយពន្លឿនដោះស្រាយដីជម្លោះរបស់ពួកគេ។
រហូតដល់ម៉ោង៩ព្រឹកនេះ ប្រជាពលរដ្ឋទាំងនេះនៅតែបន្តប្រមូលផ្តុំនៅមុខក្រសួង មិនទាន់មានដំណោះស្រាយអ្វីទេ។