អន្តរជាតិ

តម្រូវការកាហ្វេវៀតណាម មានការកើនឡើងនៅប្រទេសជប៉ុន

លោក ស៊ុន សុខេន
| ២៨ មីនា ២០១៩
ម៉ោង ១៤:២៣

កាហ្វេ Robusta នៅចម្ការកាហ្វេមួយកន្លែងនៅវៀតណាម។ រូបភាព៖ Reuters

ប្រទេសជប៉ុន បានបង្កើនការនាំចូលកាហ្វេពីវៀតណាមរហូតដល់៩៤០០០តោន។ នេះបើតាមការចុះផ្សាយរបស់សារព័ត៌មាន Nikkei Asian Review។

តាម Nikkei Asian Review ក្នុងរយៈ១១ខែ ឆ្នាំ២០១៨ ការនាំចូលកាហ្វេពីវៀតណាមមានការកើនឡើងរហូតដល់១៥ភាគរយ បើប្រៀបធៀបនឹងរយៈពេលដូចគ្នាកាលពីឆ្នាំ២០១៧។ ប្រភពដដែលឲ្យដឹងថា ផលិតកាហ្វេវៀតណាមផ្គត់ផ្គង់ទីផ្សារកាហ្វេរបស់ជប៉ុន២៥ភាគរយ។

សារព័ត៌មានសេដ្ឋកិច្ចជប៉ុនដដែល ចុះផ្សាយបន្តថាមូលហេតុដែលការនាំចូលកាហ្វេពីវៀតណាមានការកើនឡើង ដោយសារតែប្រទេសនេះមានទីតាំងភូមិសាស្រ្តនៅជិតជប៉ុន និងតម្លៃថោកជាងកាហ្វេនាំចូលពីប្រេស៊ីល។

កាហ្វេដែលប្រទេសជប៉ុន នាំចូលមកពីវៀតណាមជាប្រភេទកាហ្វេ Robusta។ វាជាកាហ្វេដែលងាយស្រួលដាំ ធន់នឹងជំងឺ និងសត្វល្អិតចង្រៃ។ Robusta ជាប្រភេទកាហ្វេដែលមានរសជាតិល្វីងជាងកាហ្វេ Arabica របស់ប្រេស៊ីលរសជាតិស្រាល។

កាលពីឆ្នាំ២០១៧ ជប៉ុន បាននាំចូលកាហ្វេមិនទាន់លីងពីវៀតណាម៨៨០០០តោន។ ទោះយ៉ាងក៏ដោយ ជប៉ុននៅតែនាំចូលកាហ្វេ Arabica របស់ប្រេស៊ីល ច្រើនជាងកាហ្វេ Robusta របស់វៀតណាម៕

រក្សាសិទ្វិគ្រប់យ៉ាងដោយ ស៊ីស៊ីអាយអឹម

សូមបញ្ជាក់ថា គ្មានផ្នែកណាមួយនៃអត្ថបទ រូបភាព សំឡេង និងវីដេអូទាំងនេះ អាចត្រូវបានផលិតឡើងវិញក្នុងការបោះពុម្ពផ្សាយ ផ្សព្វផ្សាយ ការសរសេរឡើងវិញ ឬ ការចែកចាយឡើងវិញ ដោយគ្មានការអនុញ្ញាតជាលាយលក្ខណ៍អក្សរឡើយ។
ស៊ីស៊ីអាយអឹម មិនទទួលខុសត្រូវចំពោះការលួចចម្លងនិងចុះផ្សាយបន្តណាមួយ ដែលខុស នាំឲ្យយល់ខុស បន្លំ ក្លែងបន្លំ តាមគ្រប់ទម្រង់និងគ្រប់មធ្យោបាយ។ ជនប្រព្រឹត្តិ និងអ្នកផ្សំគំនិត ត្រូវទទួលខុសត្រូវចំពោះមុខច្បាប់កម្ពុជា និងច្បាប់នានាដែលពាក់ព័ន្ធ។