អន្តរជាតិ

តៃវ៉ាន់ ស្នើទិញយន្តហោះចម្បាំងទំនើបចុងក្រោយពីអាមេរិក

លោក ស៊ុន សុខេន
| ២៨ មីនា ២០១៩
ម៉ោង ១៤:៣៤

ប្រធានាធិបតីតៃវ៉ាន់ Tsai Ing-wen បានធ្វើអធិការកិច្ចយោធាតៃវ៉ាន់មុនពេលចូលឆ្នាំចិនឆ្នាំនេះ។ រូបថត: រ៉យទ័រ

ប្រធានាធិបតីតៃវ៉ាន់ បានទទួលស្គាល់ថា ខ្លួនពិតជាបានស្នើទិញយន្តហោះចម្បាំង និងរថក្រោះពីសហរដ្ឋអាមេរិកពិតប្រាកដមែន។

លោកស្រី Tsai Ing-wen ប្រធានាធិបតីតៃវ៉ាន់ បានអះអាងបែបនេះក្នុងពេលដែលលោកស្រីចូលដូរជើងយន្តហោះនៅកោះហាវៃរបស់អាមេរិកកាលពីម្សិលមិញ។ តាមការចុះផ្សាយរបស់ទីភ្នាក់ងារសារព័ត៌មាន AP របស់អាមេរិក ប្រធានាធិបតីតៃវ៉ាន់រូបនេះ បានស្នើទិញយន្តហោះចម្បាំងប្រភេទ F-16V និងរថក្រោះ M1 Abrams ដែលសុទ្ធតែជាអាវុធការពារខ្លួនស៊េរីទំនើបចុងក្រោយ។

ប្រធានាធិបតីតៃវ៉ាន់រូបនេះ លើកឡើងថា ប្រសិនតៃវ៉ាន់ទទួលបានអាវុធទាំងនោះ វានឹងជួយឲ្យសមត្ថភាពការពារខ្លួនកាន់តែរឹងមាំ។

បើសហរដ្ឋអាមេរិកយល់ព្រមលក់អាវុធទាំងនោះតាមការស្នើសុំរបស់តៃវ៉ាន់មែន ភាពតានតឹងថ្មីរវាងប្រទេសមហាអំណាចទាំងពីរ ចិន និងអាមេរិក នឹងកើតឡើងជាក់ជាមិនខាន៕

រក្សាសិទ្វិគ្រប់យ៉ាងដោយ ស៊ីស៊ីអាយអឹម

សូមបញ្ជាក់ថា គ្មានផ្នែកណាមួយនៃអត្ថបទ រូបភាព សំឡេង និងវីដេអូទាំងនេះ អាចត្រូវបានផលិតឡើងវិញក្នុងការបោះពុម្ពផ្សាយ ផ្សព្វផ្សាយ ការសរសេរឡើងវិញ ឬ ការចែកចាយឡើងវិញ ដោយគ្មានការអនុញ្ញាតជាលាយលក្ខណ៍អក្សរឡើយ។
ស៊ីស៊ីអាយអឹម មិនទទួលខុសត្រូវចំពោះការលួចចម្លងនិងចុះផ្សាយបន្តណាមួយ ដែលខុស នាំឲ្យយល់ខុស បន្លំ ក្លែងបន្លំ តាមគ្រប់ទម្រង់និងគ្រប់មធ្យោបាយ។ ជនប្រព្រឹត្តិ និងអ្នកផ្សំគំនិត ត្រូវទទួលខុសត្រូវចំពោះមុខច្បាប់កម្ពុជា និងច្បាប់នានាដែលពាក់ព័ន្ធ។