អគ្គិសនីកម្ពុជា ផ្អាកការផ្គត់ផ្គង់អគ្គិសនីរយៈពេល៣ថ្ងៃនៅសង្កាត់ចំនួន៣ ក្នុងរាជធានីភ្នំពេញចាប់ពីម៉ោង៧ព្រឹកដល់ម៉ោង៦ល្ងាច នាចុងខែមីនានេះ។
សេចក្ដីជូនដំណឹងរបស់អគ្គិសនីកម្ពុជាចុះថ្ងៃទី២៧ ខែមីនា ឆ្នាំ២០១៩ បានឲ្យដឹងថា អគ្គិសនីកម្ពុជានឹងផ្អាកការផ្គត់ផ្គង់ក្នុងសង្កាត់និរោធ ខណ្ឌច្បាអំពៅ នាថ្ងៃទី២៩, សង្កាត់ផ្សាដើមថ្កូវ ខណ្ឌចំការមន ថ្ងៃទី៣០ និង សង្កាត់កាកាបទី១ ខណ្ឌពោធិសែនជ័យ នាថ្ងៃទី៣១ ខែមីនា។
អគ្គិសនីកម្ពុជា បញ្ជាក់ថាមូលហេតុនៃការផ្អាកការផ្គត់ផ្គង់នេះគឺដើម្បីអនុវត្តការជួសជុល ផ្លាស់ប្ដូរ តម្លើងបរិក្ខា និងរុះរើគន្លងខ្សែបណ្ដាញបង្កលក្ខណៈងាយស្រួលដល់ការដ្ឋានពង្រីកផ្លូវ៕