បន្លែ និងផ្លែឈើរបស់វៀតណាមនាំចេញទៅលក់នៅប្រទេសចិន ក្នុងរយៈពេល៣ខែដើមឆ្នាំ២០១៩នេះ ធ្លាក់ចុះ១៤,៧ ភាគរយ ដោយសារតែរដូវប្រមូលផលកសិកម្មប្រទេសទាំងពីរធ្វើឡើងនៅក្នុងពេលប្រហាក់ប្រហែលគ្នា និងទាមទារលក្ខខណ្ឌគុណភាពខ្ពស់។
តាមការចុះផ្សាយរបស់ទីភ្នាក់ងារសារព័ត៌មានវៀតណាមបានបញ្ជាក់ថា ទន្ទឹមទៅនឹងការបញ្ជាទិញធ្លាក់ចុះនេះ ចិនក៏ទាមទារលក្ខខណ្ឌគុណភាពច្រើននាំឲ្យស្មុគស្មាញផងដែរ។
ទោះយ៉ាងណា របាយការណ៍របស់ក្រសួងកសិកម្មវៀតណាមដែលបានផ្សព្វផ្សាយនេះ ក៏បានបង្ហាញពីការនាំចេញបន្លែផ្លែឈើកើនឡើង ដូចជាទៅ ប្រទេសអ៊ីតាលី ឥណ្ឌូនេស៊ី គុយវ៉ែត អូស្រ្តាលី អឺរ៉ុប និងកូរ៉េខាងត្បូង។
បច្ចុប្បន្ន វៀតណាមកំពុងតែពង្រឹងគុណភាពបន្លែផ្លែឈើដែលមានសុវត្ថិភាពចំនួនពីរស្តង់ដារគឺស្តង់ដារពិភពលោក និងស្តង់ដារវៀតណាម។