អន្តរជាតិ

ជប៉ុន ដាក់កំហិតឲ្យអ្នកបម្រើការលើយន្តហោះត្រូវតែពិនិត្យជាតិអាល់កុល

លោក ស៊ុន សុខេន
| ១០ មេសា ២០១៩
ម៉ោង ១៧:១៥

អ្នកបម្រើការងារលើយន្តហោះរបស់ក្រុមហ៊ុន Japan Airlines។ រូបភាព៖ ហ្វេសប៊ុក Japan Airlines

រដ្ឋាភិបាលជប៉ុន បានចេញបញ្ជាដោយតម្រូវឲ្យបុគ្គលិកដែលធ្វើការលើយន្តហោះទាំងអស់ត្រូវតែពិនិត្យជាតិអាល់កុល មុនពេលដែលពួកគេធ្វើការហោះហើរ។

តាមការចុះផ្សាយរបស់សារព័ត៌មាន Japan Today ក្រសួងដឹកជញ្ជូនជប៉ុន បានបញ្ជាក់ថា ការរឹតបន្តឹងនេះធ្វើឡើង ដោយសារតែពេលកន្លងមកមានការរិះគន់ពីមហាជនពីភាពធូររលុងនៃការអនុវត្តច្បាប់នៃការទទួលទានគ្រឿងស្រវឹងនៅតាមជើងហោះហើរក្នុងស្រុកមួយចំនួន។ ប្រភពដដែលឲ្យដឹងថា ក្រុមបុគ្គលិកបម្រើការលើយន្តហោះទាំងនោះត្រូវហាមឃាត់មិនឲ្យទទួលទានគ្រឿងស្រវឹងជាដាច់ខាតក្នុងរយៈពេលតិចជាង៨ម៉ោងមុនពេលហោះហើរ។

តាមក្រសួងដឹកជញ្ជូនជប៉ុន វិស្វករដែលធ្វើការត្រួតពិនិត្យយន្តហោះ ក៏ត្រូវតែធ្វើតេស្តពិនិត្យកម្រិតជាតិអាល់កុលនេះដូចគ្នា៕

រក្សាសិទ្វិគ្រប់យ៉ាងដោយ ស៊ីស៊ីអាយអឹម

សូមបញ្ជាក់ថា គ្មានផ្នែកណាមួយនៃអត្ថបទ រូបភាព សំឡេង និងវីដេអូទាំងនេះ អាចត្រូវបានផលិតឡើងវិញក្នុងការបោះពុម្ពផ្សាយ ផ្សព្វផ្សាយ ការសរសេរឡើងវិញ ឬ ការចែកចាយឡើងវិញ ដោយគ្មានការអនុញ្ញាតជាលាយលក្ខណ៍អក្សរឡើយ។
ស៊ីស៊ីអាយអឹម មិនទទួលខុសត្រូវចំពោះការលួចចម្លងនិងចុះផ្សាយបន្តណាមួយ ដែលខុស នាំឲ្យយល់ខុស បន្លំ ក្លែងបន្លំ តាមគ្រប់ទម្រង់និងគ្រប់មធ្យោបាយ។ ជនប្រព្រឹត្តិ និងអ្នកផ្សំគំនិត ត្រូវទទួលខុសត្រូវចំពោះមុខច្បាប់កម្ពុជា និងច្បាប់នានាដែលពាក់ព័ន្ធ។