ទីភ្នាក់ងារប្រតិបត្តិការផ្គត់ផ្គង់ទឹករបស់ហ្វីលីពីន សម្រេចផាកពិន័យលើក្រុមហ៊ុនឯកជនមួយចំនួន២១លានដុល្លារ ដោយសារតែមិនមានទឹកឱ្យពលរដ្ឋប្រើប្រាស់រយៈពេលជិត១សប្តាហ៍កាលពីខែមីនា។
តាមទីភ្នាក់ងារព័ត៌មានហ្វីលីពីនគឺ អាជ្ញាធរចោទប្រកាន់ថា ក្រុមហ៊ុនខកខានមិនបានបំពេញតាមកិច្ចព្រមព្រៀងក្នុងការផ្គត់ផ្គង់ទឹកដល់អ្នកប្រើប្រាស់ក្នុងទីក្រុងម៉ានីលប្រមាណ ១លាន ២សែននាក់។
ក្រុមហ៊ុនផ្គត់ផ្គង់ទឹកបានប្រកាសថា ខ្លួនទទួលខុសត្រូវចំពោះការមិនមានសមត្ថភាពក្នុងការផ្គត់ផ្គង់ទឹកដល់អតិថិជននេះ។ ក្រុមហ៊ុនបញ្ជាក់ថា បញ្ហានេះបណ្តាលមកពីអាកាសធាតុក្តៅ ធ្វើឱ្យខ្វះប្រភពទឹក។
កាលពីខែមីនា ប្រជាពលរដ្ឋ១លាន ២សែននាក់នៅក្នុងទីក្រុងម៉ានីល មិនមានទឹក ឬមានទឹកដែរតែក្នុងកម្រិតទាបសម្រាប់យកទៅប្រើប្រាស់ ក្នុងរយៈពេលជិត១សប្តាហ៍។
