យន្តហោះដឹកនាំដំណើរប្រភេទBoeing 737 ផ្ទុកមនុស្ស១៤៣នាក់ បានចុះខុសផ្លូវដោយសារតែភ្លៀង និងរន្ទះខ្លាំងបណ្តាលឱ្យធ្លាក់ចូលក្នុងទន្លេនៅក្នុងរដ្ឋហ្វ័ររីដា សហរដ្ឋអាមេរិក បណ្តាលឱ្យមនុស្សរបួស២១នាក់។
តាមការចុះផ្សាយរបស់ទីភ្នាក់ងារព័ត៌មានរ៉យទ័យបានឱ្យដឹងថា យន្តហោះដឹកអ្នកដំណើរនេះ ចេញពីប្រទេសគុយបា ហើយធ្លាក់ចូលក្នុងទន្លេក្នុងទីក្រុងJacksonville ក្នុងរដ្ឋហ្វ័ររីដា នៅពេលដែលព្យាយាមចុះចតនៅមូលដ្ឋានទ័ពមួយនៅទីនោះដោយសារតែបញ្ហាភ្លៀង ខ្យល់ និងមានរន្ទះខ្លាំង។ នេះបើតាមទីភ្នាក់ងារព័ត៌មានរ៉យទ័រ។
របាយការណ៍សមត្ថកិច្ចបង្ហាញថា នៅលើយន្តហោះនោះមានអ្នកដំណើរ១៣៦នាក់ និង អ្នកធ្វើការលើនោះ៧នាក់។ ក្នុងចំណោមអ្នករងរបួស២១នាក់នោះមិនធ្ងន់ធ្ងរទេ បានបញ្ជូនទៅសង្គ្រោះនៅមន្ទីរពេទ្យ។
អាជ្ញាធរនៅរដ្ឋហ្វ័ររីដាបញ្ជាក់ថា ហេតុការណ៍នេះកើតឡើងនៅម៉ោង៩ និង ៤០នាទីយប់ថ្ងៃទី៣ខែមេសា ម៉ោងនៅក្នុងតំបន់។ សមត្ថកិច្ចបានជួយសង្គ្រោះ និងស្រាវជ្រាវរកហេតុផលបន្ថែមទៀត។