អន្តរជាតិ

ក្រុមហ៊ុនអាកាសចរណ៍រដ្ឋវៀតណាម គ្រោងទិញយន្តហោះ៥០គ្រឿងបន្ថែមទៀត

លោក ស៊ុន សុខេន
| ០៨ ឧសភា ២០១៩
ម៉ោង ១៥:២១

យន្តហោះរបស់ក្រុមហ៊ុន Vietnam Airlines។ រូបភាព៖ Bloomberg

ក្រុមហ៊ុនអាកាសចរណ៍រដ្ឋវៀតណាម នឹងទិញយន្តហោះបន្ថែមទៀត ចន្លោះពី៥០ ទៅ៧៥គ្រឿងនៅឆ្នាំ២០២៥ខាងមុខ។ នេះបើតាមការចុះផ្សាយរបស់សារព័ត៌មានវៀតណាម VN Express ។

តាម VN Express ក្រុមហ៊ុនអាកាសចរណ៍រដ្ឋវៀតណាម Vietnam Airlines នឹងចំណាយប្រាក់ជិត៤ពាន់លានដុល្លារដើម្បីទិញយន្តហោះទាំងនោះ។ ប្រភពដដែលឲ្យដឹងថា Vietnam Airlines ពិចារណាទិញយន្តហោះប្រភេទ Airbus A320 និងប៊ូអ៊ីង 737 MAX។ បច្ចុប្បន្ន ក្រុមហ៊ុន Vietnam Airlines មានយន្តហោះចំនួន៩៤គ្រឿង ដែលក្នុងនោះ២៦គ្រឿងនឹងត្រួវជួល ឬលក់ចេញនៅឆ្នាំ២០២១។

តាមរបាយការណ៍របស់អាជ្ញាធរអាកាសចរណ៍ស៊ីវិលវៀតណាម ក្រុមហ៊ុន Vietnam Airlines កាលពីឆ្នាំ២០១៨កន្លងទៅ ដឹកអ្នកដំណើរបានជិត២២លាននាក់។

កាលពីខែកុម្ភៈកន្លងទៅ ក្រុមហ៊ុន Vietjet ជាក្រុមហ៊ុនអាកាសចរណ៍មួយរបស់វៀតណាមដែរនោះ បានបញ្ជាទិញយន្តហោះ Boeing ចំនួន១០០គ្រឿងក្នុងតម្លៃ១២.៧ពាន់លានដុល្លារ ដែលធ្វើឲ្យក្រុមហ៊ុនមួយនេះក្លាយជាក្រុមហ៊ុនដឹកជញ្ជូនតម្លៃថោក ដែលរីកលូតលាស់លឿនបំផុតនៅក្នុងតំបន់៕

រក្សាសិទ្វិគ្រប់យ៉ាងដោយ ស៊ីស៊ីអាយអឹម

សូមបញ្ជាក់ថា គ្មានផ្នែកណាមួយនៃអត្ថបទ រូបភាព សំឡេង និងវីដេអូទាំងនេះ អាចត្រូវបានផលិតឡើងវិញក្នុងការបោះពុម្ពផ្សាយ ផ្សព្វផ្សាយ ការសរសេរឡើងវិញ ឬ ការចែកចាយឡើងវិញ ដោយគ្មានការអនុញ្ញាតជាលាយលក្ខណ៍អក្សរឡើយ។
ស៊ីស៊ីអាយអឹម មិនទទួលខុសត្រូវចំពោះការលួចចម្លងនិងចុះផ្សាយបន្តណាមួយ ដែលខុស នាំឲ្យយល់ខុស បន្លំ ក្លែងបន្លំ តាមគ្រប់ទម្រង់និងគ្រប់មធ្យោបាយ។ ជនប្រព្រឹត្តិ និងអ្នកផ្សំគំនិត ត្រូវទទួលខុសត្រូវចំពោះមុខច្បាប់កម្ពុជា និងច្បាប់នានាដែលពាក់ព័ន្ធ។