អន្តរជាតិ

ឥណ្ឌា និងវៀតណាមបង្កើនការវិនិយោគដល់១៥ប៊ីលានដុល្លារ

លោក ពៅ មេត្តា
| ១១ ឧសភា ២០១៩
ម៉ោង ១៨:០៦

អនុប្រធានាធិបតីឥណ្ឌាលោក Venkaiah Naidu និងអនុប្រធានាធិបតីវៀតណាមលោកស្រីDang Thi Ngoc Thinh(រូបពីទីភ្នាក់ងារព័ត៌មានវៀតណាម)

ភាគីវៀតណាម និង ឥណ្ឌា បានព្រមព្រៀងបង្កើនការវិនិយោគឱ្យកើនដល់១៥ប៊ីលានដុល្លារ តាមរយៈការបង្កើនការដោះដូរទំនិញ និងបោះទុនវិនិយោគ។

កិច្ចព្រមព្រៀងនេះកើតឡើងនៅក្នុងជំនួបរវាងអនុប្រធានាធិបតីឥណ្ឌាលោក Venkaiah Naidu និងអនុប្រធានាធិបតីវៀតណាមលោកស្រីDang Thi Ngoc Thinh។ ជំនួបនេះធ្វើឡើងនៅក្នុងទីក្រុងហាណូយកាលពីម្សិលមិញ។នេះបើតាមទីភ្នាក់ងារព័ត៌មានវៀតណាម។

វៀតណាមនិងឥណ្ឌាបានដាក់ផែនការយុទ្ធសាស្ត្រពង្រឹងទំនាក់ទំនងសេដ្ឋកិច្ច កាលពីឆ្នាំ២០០៧ និង បានពិនិត្យធ្វើបច្ចុប្បន្នភាពលើយុទ្ធសាស្ត្រនេះនៅឆ្នាំ២០១៦។

ក្រៅពីការជជែកពីការពង្រឹងទំនាក់ទំនងសេដ្ឋកិច្ច ថ្នាក់ដឹកនាំទាំងពីរក៏បានជជែកពីផ្នែកពង្រឹងទំនាក់ទំនងលើផ្នែកផ្សេងៗទៀតដូចជា វិស័យការពារសន្តិសុខ និងវប្បធម៌ជាដើម។

រក្សាសិទ្វិគ្រប់យ៉ាងដោយ ស៊ីស៊ីអាយអឹម

សូមបញ្ជាក់ថា គ្មានផ្នែកណាមួយនៃអត្ថបទ រូបភាព សំឡេង និងវីដេអូទាំងនេះ អាចត្រូវបានផលិតឡើងវិញក្នុងការបោះពុម្ពផ្សាយ ផ្សព្វផ្សាយ ការសរសេរឡើងវិញ ឬ ការចែកចាយឡើងវិញ ដោយគ្មានការអនុញ្ញាតជាលាយលក្ខណ៍អក្សរឡើយ។
ស៊ីស៊ីអាយអឹម មិនទទួលខុសត្រូវចំពោះការលួចចម្លងនិងចុះផ្សាយបន្តណាមួយ ដែលខុស នាំឲ្យយល់ខុស បន្លំ ក្លែងបន្លំ តាមគ្រប់ទម្រង់និងគ្រប់មធ្យោបាយ។ ជនប្រព្រឹត្តិ និងអ្នកផ្សំគំនិត ត្រូវទទួលខុសត្រូវចំពោះមុខច្បាប់កម្ពុជា និងច្បាប់នានាដែលពាក់ព័ន្ធ។