សាលាដំបូងខេត្តកំពង់ឆ្នាំង នៅថ្ងៃនេះ បានសម្រេចឃុំខ្លួន អតីតមន្ត្រីគណបក្សសង្គ្រោះជាតិម្នាក់នៅពន្ធនាគារជាបណ្ដោះអាសន្ន ពាក់ព័ន្ធនឹងការចុះព្យាបាល និងចាក់ថ្នាំប្រជាពលរដ្ឋគ្មានការអនុញ្ញាតពីមន្ដ្រីជំនាញត្រឹមត្រូវ។
ព្រះរាជអាជ្ញារខេត្តកំពង់ឆ្នាំង លោក ឡុង ស៊ីថា ប្រាប់ វី.អូ.ឌី នៅថ្ងៃនេះ ថា ចៅក្រមស៊ើបសួរបានសម្រេចឃុំខ្លួនមន្ត្រីអតីតគណបក្សសង្គ្រោះជាតិ លោក ប៉ុល ទិត្យធានី ដោយចោទប្រកាន់ពីបទ ប្រកបវិជ្ជាជីវៈសុខាភិបាលដែលពុំមែនជាអ្នកវិទ្យាសាស្ត្រសុខាភិបាល។
អតីតសកម្មជន និងចៅសង្កាត់ជាប់ឆ្នោតរបស់គណបក្សប្រឆាំងជិត១០០នាក់ នៅខេត្តបាត់ដំបង បន្ទាយមានជ័យ ខេត្តកំពត និងកំពង់ធំ ត្រូវតុលាការ និងនគរបាល ហៅទៅសាកសួរចោទថាពួកគេប្រឆាំងនឹងសាលដីកាតុលាការកំពូល ទាក់ទិននឹងការបង្ហាញសារគាំទ្រគម្រោងវិលត្រឡប់របស់លោក សម រង្ស៊ី មកកម្ពុជា ៕
