នគរបាលជាតិកម្ពុជាប្រកាសនៅថ្ងៃសៅរ៍នេះថា នឹងប្រើប្រាស់គ្រប់មធ្យោបាយ និងរូបភាព ដើម្បីតាមចាប់ខ្លួនលោកសម រង្ស៊ី ដែលកំពុងរស់នៅក្រៅប្រទេសមកផ្តន្ទាទោសទៅតាមច្បាប់ ដែលតុលាការធ្លាប់កាត់ទោសនៅពេលកន្លងមក។
ក្នុងសេចក្តីប្រកាសរបស់ការិយាល័យអ្នកនាំពាក្យនគរបាលជាតិនៅថ្ងៃនេះ បញ្ជាក់ថា នគរបាលជាតិទទួលបានដីកាបង្គាប់ឱ្យចាប់ខ្លួនលោក សម រង្ស៊ី និង បក្ខពួកមកផ្តន្ទាទោសទៅតាមច្បាប់។
នគរបាលជាតិក៏បានព្រមានចាត់វិធានការផ្លូវច្បាប់ចំពោះសកម្មភាពណាមួយដែលរារាំងដល់ការអនុវត្តដីកាចាប់ខ្លួនលោក សម រង្ស៊ី និងបក្ខពួកនេះ។
វិធានការចាប់ខ្លួននេះ ស្របពេលដែលលោក សម រង្ស៊ី ដែលកំពុងរស់នៅក្រៅប្រទេសគ្រោងវិលត្រលប់មកកម្ពុជានៅចុងឆ្នាំ២០១៩នេះ។
