រដ្ឋមន្ត្រីក្រសួងមហាផ្ទៃបានចេញលិខិតព្រមានស្នងការខេត្តកណ្តាលថា បើនៅតែខ្វះការយកចិត្តទុកដាក់លើការងារក្នុងតួនាទីទៀត នឹងប្រើប្រាស់វិធានការវិន័យតាមកម្លាំងនគរបាល។
ក្នុងលិខិតព្រមានដែលចេញផ្សាយកាលពីថ្ងៃទី២៥ខែកក្កដា លោកស ខេង បានបញ្ចាក់ថា នេះគឺជាការព្រមានលើកទី១ ហើយបើមិនមានការកែប្រែអ្វីទេ នឹងមានវិធានការវិន័យតាមកម្លាំងនគរបាល។
លិខិត៖«សាមីខ្លួនដែលមានឈ្មោះក្នុងប្រការមួយ ត្រូវកែនូវកំហុសឆ្គង និងឥរិយាបថដឹកនាំរបស់ខ្លួនឱ្យបានត្រឹមត្រូវ។ ក្នុងការប្រព្រឹត្តិផ្ទុយពីការណែនាំទៀតនោះ និងចាត់វិធានការវិន័យរបស់កម្លាំងនគរបាលជាតិ។»
កាលពីខែមេសា មន្ត្រីនគរបាលខេត្តកណ្តាលបានចេញលិខិតរួមគ្នាមួយ ដោយចោទលោកស្នងការ អ៊ាវ ចំរើនថា បានប្រព្រឹត្តិអំពើពុករលួយ ប្រើអំណាចផ្តាច់ការធ្វើបាបមន្ត្រីនៅក្រោមបង្គ្រាប់របស់ពួកគេ។