ក្រសួងការបរទេសកម្ពុជាបានឲ្យដឹងថា ទំហំពាណិជ្ជកម្មរវាងកម្ពុជានិងវៀតណាម មានចំនួនជិត៣ពាន់លានដុល្លារ នៅក្នុងរយៈពេល៦ខែដើមឆ្នាំ២០១៩នេះ។
ក្នុងកិច្ចប្រជុំគណៈកម្មការចម្រុះកម្ពុជា-វៀតណាម លើកទី១៧ ស្តីពី កិច្ចសហប្រតិបត្តិការសេដ្ឋកិច្ច វប្បធម៌ វិទ្យាសាស្ត្រ និងបច្ចេកវិទ្យា លោកប្រាក់ សុខុន រដ្ឋមន្ត្រីក្រសួងការបរទេស បានថ្លែងសុន្ទរកថា កម្ពុជានិងវៀតណាមបានបន្តជំរុញកិច្ចសហប្រតិបត្តិការលើគ្រប់វិស័យ ធ្វើឲ្យទំហំពាណិជ្ជកម្មរវាងប្រទេសទាំងពីរទទួលបានជិត៣ពាន់លានដុល្លារ អំឡុងពេល៦ខែដើមឆ្នាំ២០១៩នេះ។
ករណីនេះ ប្រទេសទាំងពីរប្តេជ្ញាថា នឹងបន្តកិច្ចសហប្រតិបត្តិការប្រាស្រ័យទាក់ទងរវាងប្រជាជននិងប្រជាជន និងរវាងយុវជនជំនាន់ក្រោយ ដើម្បីផ្លាស់ប្តូរវប្បធម៌ ទេសចរណ៍ និងបង្កើនការស្វែងយល់ពីគ្នាទៅវិញទៅមក ដើម្បីធ្វើឲ្យប្រសើរឡើងថែមទៀត ក្នុងការអភិវឌ្ឍសេដ្ឋកិច្ចសង្គម។
ក្នុងសុន្ទរកថាដដែលបញ្ជាក់ថា គិតត្រឹមឆ្នាំ២០១៨ ទំហំពាណិជ្ជកម្មរវាងប្រទេសកម្ពុជានិងវៀតណាម បានកើនឡើងដល់៤,៧លានដុល្លារផងដែរ៕