ក្រសួងការងារ និងបណ្តុះបណ្តាលវិជ្ជាជីវៈ រំលឹកទៅថៅកែ និយោជក និងម្ចាស់សហគ្រាសទាំងអស់ត្រូវបើកប្រាក់ឈ្នួលឱ្យកម្មករ មុនថ្ងៃឈប់សម្រាកបុណ្យភ្ជុំបិណ្ឌ ដើម្បីជួយសម្រួលដល់ពួកគេក្នុងការធ្វើដំណើរទៅស្រុកកំណើតជួបជុំបងប្អូន។ នេះបើយោងតាមសេចក្តីជូនដំណឹងរបស់ក្រសួងការងារ និងបណ្តុះបណ្តាលវិជ្ជាជីវៈ ចេញថ្ងៃទី៥ ខែកញ្ញានេះ។
សេចក្តីជូនដំណឹងនេះ ឱ្យដឹងបន្ថែមថា ម្ចាស់សហគ្រាស និងនិយោជកទាំងអស់ត្រូវអនុញ្ញាតឱ្យកម្មករ និយោជិករបស់ខ្លួនទាំងអស់ បានឈប់សម្រាករយៈពេល៤ ថ្ងៃ គិតពីថ្ងៃទី ២៧ ដល់ថ្ងៃទី៣០ កញ្ញា ដោយទទួលបានប្រាក់ឈ្នួល ហើយត្រូវបើកប្រាក់ឈ្នួលទី២ ទៅពួកគេឱ្យបានទាន់ពេល។
ប្រភពដដែល ឲ្យដឹងទៀតថាបើម្ចាស់សហគ្រាស និងនិយោជកពុំមានលទ្ធភាព អាចឱ្យកម្មករនិយោជិកទទួលបានប្រាក់បុរប្រទានយ៉ាងតិច ៥០ភាគរយមុន៕