សមត្ថកិច្ចរាជធានីភ្នំពេញកំពុងតែសាកសួរអតីតមន្ត្រីគណបក្សសង្គ្រោះជាតិចំនួន១០នាក់ ដែលទើបចាប់ខ្លួននៅអតីតស្នាក់ការកណ្តាលរបស់គណបក្សនេះកាលពីម្សិលមិញ។
អ្នកនាំពាក្យអគ្គស្នងការនគរបាលជាតិ លោក ឆាយ គឹមខឿន មានប្រសាសន៍ថា អ្នកយាមអតីតទីស្នាក់ការគណបក្សសង្រ្គោះជាតិចំនួន ១០នាក់ ដែលសមត្ថកិច្ចចាប់ខ្លួន ម្សិលមិញនោះ ពេលនេះមន្ត្រីជំនាញកំពុង សាកសួរនៅស្នងការរាជធានីភ្នំពេញ។
កាលពីម្សិលមិញ សត្ថកិច្ចចម្រុះបានដឹកនាំកម្លាំងចំនួន ១៦០នាក់ ចុះឃាត់ខ្លួនអ្នកប្រចាំការយាមនៅទីតាំងអតីតទីស្នាក់ការគណបក្សសង្រ្គោះជាតិចំនួន ១០នាក់ នៅក្នុងអតីតទីតាំងស្នាក់ការគណបក្សសង្គ្រោះជាតិ ស្ថិតតាមបណ្តោយផ្លូវជាតិលេខ២ ក្នុងសង្កាត់ចាក់អង្រែលើ ខណ្ឌមានជ័យ។
គិតត្រឹមថ្ងៃទី ៦ ខែវិច្ឆិកា ឆ្នាំ២០១៩នេះ មានអតីតមន្ត្រី និងសកម្មជនគណបក្សសង្គ្រោះជាតិជាង ៧០នាក់ ត្រូវបានសមត្ថកិច្ចចាប់ខ្លួន៕