សមត្ថកិច្ចម៉ាឡេស៊ីដោះលែងលោកស្រី មូរ សុខហួរ

សមត្ថកិច្ចម៉ាឡេស៊ីបានដោះលែងលោកស្រី មូរ សុខហួរ ឱ្យមានសេរីភាពវិញហើយ នៅល្ងាចថ្ងៃព្រហស្បតិ៍នេះ បន្ទាប់ពីឃាត់ខ្លួនកាលពីល្ងាចថ្ងៃពុធម្សិលមិញ នៅព្រលានយន្តហោះក្នុងទីក្រុងកូឡាឡាំពួ។​

លោកស្រី មូរ សុខហួរ ប្រាប់វីអូឌីថា លោកស្រីមានសេរីភាពវិញ ហើយកំពុងជាប់រវល់កិច្ចការមួយចំនួនមិនទាន់និយាយបានច្រើនទេ។​

វីអូឌីនឹងព្យាយាមសាកសួរព័ត៌មានលម្អិតបន្ថែមទៀត នៅពេលលោកស្រីរួចរាល់ការងារបន្ទាន់ ដើម្បីចង់ដឹងពីមូលហេតុនៃការឃាត់ខ្លួន មូលហេតុនៃការដោះលែង និងកិច្ចការងារដែលលោកស្រីកំពុងធ្វើនៅក្នុងប្រទេសម៉ាឡេស៊ី។​

លោកស្រី មូរ សុខហួរ បានធ្វើសន្និសីទសារព័ត៌មាននៅក្នុងប្រទេសឥណ្ឌូនេស៊ី ស្តីពីដំណើរមាតុភូមិនិវត្តន៍ចូលប្រទេសកម្ពុជាវិញនៅថ្ងៃទី៩ ខែវិច្ឆិកា។ ក្រោយការធ្វើសន្និសីទ លោកស្រីបានធ្វើដំណើរទៅកាន់ប្រទេសម៉ាឡេស៊ីនៅល្ងាចថ្ងៃដដែលនោះ។​