សេចក្តីរាយការណ៍បឋមមួយរបស់ទីភ្នាក់ងារព័ត៌មានរ៉យទ័របញ្ជាក់ថា លោកស្រី មូរ សុខហួរ អតីតអនុប្រធានគណបក្សសង្គ្រោះជាតិ ត្រូវសមត្ថកិច្ចអន្តោប្រវេសន៍របស់ម៉ាឡេស៊ីចាប់ខ្លួន។
ការចុះផ្សាយរបស់ទីភ្នាក់ងារព័ត៌មានរ៉យទ័រនេះ ដោយយោងតាមប្រភពទុកចិត្ត៤រូប ក្នុងនោះរួមមានទាំងមន្ត្រីរដ្ឋាភិបាលម៉ាឡេស៊ីផងដែរ។
វីអូឌីព្យាយាមទាក់ទងលោកស្រី មូរ សុខហួរ តាម WhatsApp ដើម្បីសាកសួរបញ្ជាក់ជុំវិញបញ្ហានេះ ប៉ុន្តែមិនមានអ្នកទទួល។
កាលពីម្សិលមិញ លោកស្រី មូរ សុខហួរ ថ្លែងប្រាប់ វី.អូ.ឌី តាម WhatsApp ពីប្រទេសឥណ្ឌូនេស៊ី ថាលោកស្រីនឹងចូលប្រទេសកម្ពុជាតាមការគ្រោងទុកនៅថ្ងៃទី៩ ខែវិច្ឆិកា។