របាយការណ៍បឋមរបស់សមត្ថកិច្ចគិតត្រឹមម៉ោង៧ព្រឹកថ្ងៃទី៥ខែមករានេះ ករណីបាក់អគារនៅក្នុងក្រុងកែប រកឃើញជនរងគ្រោះ៣៥នាក់ក្នុងនោះស្លាប់១៣ និងរបួស២២។ នេះបើតាមការបញ្ជាក់របស់លោក បែន តារា ស្នងការនគរបាលខេត្តកែប។
ហេតុការណ៍បាក់ស្រុតអគារកម្ពស់៧ជាន់នៅក្នុងភូមិកែប សង្កាត់កែប ក្រុងកែប ខេត្តកែប កើតឡើងកាលពីរសៀលថ្ងៃទី៣ខែមករា ឆ្នាំ២០២០។
បន្ទាប់ពីកើតហេតុភ្លាមៗ លោកនាយករដ្ឋមន្ត្រីហ៊ុន សែន និងថ្នាក់ដឹកនាំជាន់ខ្ពស់រដ្ឋាភិបាលផ្សេងៗទៀតនៅប្រចាំការនៅទីនោះ ដើម្បីដឹកនាំការជួយសង្គ្រោះ។