ក្រុមប្រឹក្សាគណៈឱសថការីជាតិ អំពាវនាវដល់ ម្ចាស់ឱសថស្ថាន និងក្រុមហ៊ុនកុំឱ្យដំឡើងថ្លៃម៉ាសហួសហេតុ ដែលធ្វើឱ្យប៉ះពាល់កិត្តិយសក្នុងការប្រកបវិជ្ជាជីវៈឱសថសាស្ត្ររបស់ឱសថការីកម្ពុជា។
លិខិតក្រុមប្រឹក្សាគណៈឱសថការីជាតិចេញផ្សាយនៅថ្ងៃទី២៩ ខែមករា ឆ្នាំ២០២០ ឱ្យដឹងថា ពិភពលោកក៏ដូចជាកម្ពុជាកំពុងជួបបញ្ហានៃការផ្ទុះឡើងនូវវីរុសកូរ៉ូណាប្រភេទថ្មី ដែលទីក្រុងវូហាន ខេត្តហ៊ឺប៉ី នៃសាធារណរដ្ឋប្រជាមានិតចិនមក ប្រជាពលរដ្ឋចាំបាច់ត្រូវពាក់ម៉ាស ដើម្បីការពារការឆ្លងមេរោគប្រភេទថ្មីនេះ។
ករណីនេះ ក្រុមប្រឹក្សាគណៈឱសថការីជាតិ អំពាវនាវទៅសមាជិក សមាជិកា ទាំងអស់ របស់ខ្លួន កុំឲ្យដំឡើងថ្លៃម៉ាសដែលវាធ្វើឱ្យប៉ះពាល់កិត្តិយសក្នុងប្រកបវិជ្ជាជីវៈឱសថសាស្ត្ររបស់ឱសថការីកម្ពុជា។
លិខិតក្រុមប្រឹក្សាគណៈឱសថការីជាតិថា៖« ស្ថិតក្នុងកាលៈទេសៈនេះ ឱសថការីកម្ពុជាសង្កេតឃើញឱសថស្ថានមួយចំនួនបានឈ្លៀតឱកាសដំឡើងថ្លៃម៉ាសហួសហេតុ ធ្វើឱ្យប៉ះពាល់ដល់កិត្តិយស និងសេចក្ដីថ្លៃថ្នូរក្នុងប្រកបវិជ្ជាជីវៈឱសថសាស្ត្រ ក៏ដូចជាកិត្តិយស និងសេចក្ដីថ្លៃថ្នូររបស់ឱសថការីកម្ពុជា»៕
