អាជ្ញាធរបិទផ្លូវមួយចំនួនក្នុងរាជធានីដើម្បីហែព្រះសពសម្ដេចព្រះសង្ឃនាយករងទី១

សាលារាជធានីភ្នំពេញប្រកាសបិទបណ្តោះអាសន្នផ្លូវមួយចំនួននៅថ្ងៃទី៣ ខែកុម្ភៈ ខាងមុខ ដើម្បីហែព្រះសពសម្តេចព្រះសង្ឃនាយកទី១ និងជាចៅអធិការវត្តសន្សំកុសលទៅប្រារព្ធពិធីនៅម៉ោង៦ព្រឹកនៅវិមានឯករាជ្យ។​

ក្នុងសេចក្ដីប្រកាសព័ត៌មានចុះថ្ងៃទី២៧ ខែមករា ឆ្នាំ២០២០ ឱ្យដឹងថា ក្នុងពេលកំណត់នោះ នឹងមិនអនុញ្ញាតឱ្យអ្នកដំណើរឆ្លងកាត់ទេ។ សាលារាជធានីសុំការយោគយល់ពីប្រជាពលរដ្ឋ ហើយស្នើឱ្យធ្វើដំណើរតាមផ្លូវផ្សេងជំនួសសិនជៀសវាងការកកស្ទះ។​

បើតាមសាលារាជធានីភ្នំពេញថា ផ្លូវដែលបិទមានដូចជា  ផ្លូវលេខ ៣៣ BT មហាវិថីយោធពលខេមរភូមិ(២៧១) មហាវិថីព្រះមុនីវង្ស(បញ្ច្រសស្របស្ពានអាកាសក្បាលថ្នល់) មហាវិថីព្រះនរោត្ដ(ផ្លូវលេខ៤១) មហាវិថីព្រះសីហនុ (ផ្លូវ២៧៤) មហាវិថីសម្ដេចសុធារស (ផ្លូវលេខ៣) វិថីឧកញ៉ា ឈុន (ផ្លូវលេខ២៤០) និងវិថីឧកញ៉ា ស៊ូស្រ៊ុន (ផ្លូវលេខ៧) ចាប់ពីម៉ោង៦:០០នាទីដល់បញ្ជប់កម្មវិធី។