រដ្ឋាភិបាលផ្អាកមិនឱ្យអ្នកដំណើរពីប្រទេសចំនួន៥ ចូលមកប្រទេសកម្ពុជា រយៈពេល៣០ថ្ងៃ ដោយថា ដើម្បីទប់ស្កាត់ការរីករាលដាលជំងឺ Covid-19។
ក្នុងសេចក្ដីប្រកាសព័ត៌មានរបស់ក្រសួងសុខាភិបាលចុះថ្ងៃទី១៤ ខែមីនា ឆ្នាំ២០២០ ឱ្យដឹងថា ចាប់ពីថ្ងៃទី១៧ ខែមីនាតទៅ កម្ពុជាផ្អាកមិនឱ្យប្រទេសចំនួន ៥ មានដូចជា អ៊ីតាលី អាល្លឺម៉ង់ អេស្ប៉ាញ បារាំង និងអាមេរិក ចូលប្រទេសកម្ពុជារយៈពេល៣០ថ្ងៃ។
សេចក្ដីប្រកាសព័ត៌មានដដែលថា ការសម្រេចផ្អាកនេះ ក្រសួងថា ដើម្បីការពារទប់ស្កាត់ជាបន្ទាន់នូវការចម្លងនាំចូលវីរុសកូវីដ១៩ ចូលមកប្រទេសកម្ពុជា។
ការដាក់វិធានការទប់ស្កាត់បន្ទាន់នេះ ធ្វើឡើងបន្ទាប់ពីក្រសួងសុខាភិបាលរកឃើញបុរសជនបរទេស២នាក់ទៀត នៅរាជធានីភ្នំពេញ មានវីរុសកូវីដ-១៩ ហើយបច្ចុប្បន្ន ជនរទេសទាំងពីរនាក់នេះ ត្រូវបានគ្រូពេទ្យដាក់ឱ្យនៅបន្ទប់ដាច់ដោយឡែកក្នុងមន្ទីរពេទ្យមិត្តភាពខ្មែរ-សូវៀត។
គិតត្រឹមថ្ងៃនេះ កម្ពុជារកឃើញអ្នកផ្ទុកកូវីដ-១៩ ចំនួន៧នាក់ហើយដែលក្នុងនោះមានជនជាតិខ្មែមួយរូប និងបរទេស៦នាក់។