ក្រសួងសុខាភិបាលកម្ពុជា បានប្រកាសឱ្យអ្នកដែលធ្វើដំណើរតាមជើងហោះហើរលេខPG933 មកពីបាងកកកាលពីថ្ងៃទី៩ ខែមីនាហើយអង្គុយនៅជួរទី ២២, ២៣, ២៤, ២៥, ឬ ២៦ ត្រូវទាក់ទងទៅក្រសួងតាមលេខ១១៥ បន្ទាប់ពីរកឃើញអ្នកដំណើរម្នាក់មានផ្ទុកកូវីដ-១៩។
នាយកដ្ឋានប្រយុទ្ធនឹងជំងឺឆ្លង បានបង្ហោះលើទំព័រហ្វេសប៊ុករបស់ខ្លួននៅថ្ងៃនេះថា សម្រាប់អ្នកដំណើរផ្សេងទៀតដែលធ្វើដំណើរតាមជើងហោះហើរលេខPG933នេះ ត្រូវតាមដានសុខភាពរបស់ខ្លួនរយៈពេល ១៤ ថ្ងៃចាប់ពីថ្ងៃដែលជើងហោះហើរចុះចតនៅកម្ពុជា។
