ចិនបានប្រកាសនៅថ្ងៃនេះថា បានស្រាវជ្រាវរកឃើញដោយជោគជ័យក្នុងការបង្កើតវ៉ាក់សាំងបង្ការកូវីដ១៩ តាមកម្រិតស្តង់ដារអន្តរជាតិ និងស្តង់ដាររបស់ចិន។
តាមការចុះផ្សាយរបស់ស្ថានទូតចិនប្រចាំកម្ពុជានៅព្រឹកនេះ បញ្ជាក់ថា ក្រុមស្រាវជ្រាវវិទ្យាសាស្រ្តដែលដឹកនាំដោយលោកស្រី Chen Wei អ្នកជំនាញផ្នែកកិច្ចការស្រាវជ្រាវវេជ្ជសាស្រ្តយោធា នៃវិទ្យាស្ថានវិទ្យាសាស្រ្តយោធាប្រទេសចិន បានស្រាវជ្រាវរកឃើញវ៉ាក់សាំងនៃជម្ងឺ COVID-19 យ៉ាងជោគជ័យ។
ស្ថានទូតចិនប្រចាំកម្ពុជា៖ «វ៉ាក់សាំងប្រភេទនេះទទួលបានការអនុញ្ញាតក្នុងដំណើរការពិសោធន៍ព្យាបាលជម្ងឺ។ តាមស្តង់កំណត់នៃអន្តរជាតិ និងតាមបទបញ្ញត្តិក្នុងប្រទេសចិន វ៉ាក់សាំងនេះត្រូវបានចាត់ជាកិច្ចការរៀបចំបឋមដែលប្រកបដោយសុវត្ថិភាព ប្រសិទ្ធភាព គុណភាពដែលអាចគ្រប់គ្រងបាន និងការផលិតក្នុងទ្រង់ទ្រាយធំ»។
