ក្រសួងសុខាភិបាលនៅយប់ថ្ងៃទី២១ ខែមីនានេះ បានប្រកាសពីការរកឃើញអ្នកផ្ទុកកូវីដ-១៩ចំនួន ២ករណីផ្សេងទៀត ដែលនាំឱ្យករណីអ្នកផ្ទុកកូវីដ-១៩នៅកម្ពុជាកើនដល់៥៣។
តាមសេចក្តីជម្រាបព័ត៌មានរបស់ក្រសួងសុខាភិបាលដែលចេញនៅថ្ងៃនេះ ២ករណីថ្មីនេះត្រូវបានរកឃើញលើភ្ញៀវទេសចរជនជាតិបារាំងវ័យ៦៧ឆ្នាំ និង៨០ឆ្នាំ ដេលពួកគាត់ស្នាក់នៅក្នុងសណ្ឋាគារនៅក្រុងព្រះសីហនុ។ ពួកគាត់ទាំង២នាក់មកដល់ខេត្តព្រះសីហនុនៅថ្ងៃទី១៨ ខែមីនា ឆ្នាំ២០២០ ហើយគ្រោងត្រលប់ទៅប្រទេសខ្លួនវិញនៅថ្ងៃទី២១ ខែមីនានេះ។
ក្រសួងបញ្ជាក់ថាពួកគាត់ទាំងពីរនាក់ត្រូវបានដាក់ព្យាបាលនៅមន្ទីរពេទ្យខេត្តព្រះសីហនុ៕