ក្រសួងសុខាភិបាល នៅថ្ងៃនេះបានប្រកាសពីការរកឃើញអ្នកឆ្លងករណីកូវីដ-១៩ ចំនួន៣១នាក់ទៀតនៅខេត្តព្រះសីហនុ ដែលនាំឱ្យអ្នកឆ្លងវីរុសនេះនៅកម្ពុជាកើនដល់៨៤ករណី។
តាមសេចក្តីជូនព័ត៌មានរបស់ក្រសួងសុខាភិបាលដែលចេញនៅថ្ងៃនេះ ករណីថ្មីទាំង៣១នោះ គឺរកឃើញលើអ្នកដែលទាក់ទងជាមួយបុរសជនជាតិបារាំងពីរនាក់ដែលរកឃើញផ្ទុកកូវីដ-១៩កាលពីម្សិលមិញ។ ក្នុងចំណោមអ្នកទាំង៣១នាក់នោះមានទេសចរជនជាតិបារាំង២៩នាក់ និងមគ្គុទេសទេសចររបស់ពួកគាត់ជាជនជាតិខ្មែរ២នាក់។ ក្រសួងបញ្ជាក់ថាពួកគាត់ទាំងនោះត្រូវបានដាក់ព្យាបាលដាច់ដោយឡែកនៅបន្ទប់សណ្ឋាគារមួយ៕
ក្រសួងសុខាភិបាល បញ្ជាក់ថាខ្លួនបាននិងកំពុងតាមដានអ្នកប៉ះពាល់ជាមួយអ្នកឆ្លងកូវីដ-១៩ទាំងនោះ៕