ក្រសួងសុខាភិបាលបានបញ្ជាក់ពីការរកឃើញករណីអ្នកផ្ទុកកូវីដ-១៩ ចំនួន២ករណីថ្មីទៀត។
នាយកដ្ឋានប្រយុទ្ធប្រឆាំងជំងឺឆ្លងបានសរសេរក្នុងទំព័រហ្វេសប៊ុករបស់ខ្លួនថា គិតត្រឹមម៉ោង ១០ព្រឹក ថ្ងៃទី ២៣ មីនា ២០២០ ក្រសួងរកឃេីញអ្នកជំងឺ COVID-19 សរុបទាំងអស់ចំនួន៨៦ករណី។ ប្រភពដដែលឱ្យដឹងថា២ករណីថ្មីនោះត្រូវបានរកឃើញនៅខេត្តកំពង់ចាម១ករណី និងខេត្តកោះកុង១ករណី។
ក្រសួង អះអាងថាខ្លួនបានព្យាបាលជាសះស្បើយ២នាក់ហេីយគឺជនជាតិចិន១នាក់ និងជនជាតិអង់គ្លេស១នាក់ ។
នាយកដ្ឋានប្រយុទ្ធប្រឆាំងជំងឺឆ្លង លើកឡើងថាពុំទាន់រកឃេីញភស្តុតាងបញ្ជាក់ថាមានការឆ្លងក្នុងសហគមន៍នៅឡេីយទេ តែលទ្ធភាពនឹងអាចកេីតមានឡេីង។
ក្រុមគ្រូពេទ្យចិនចំនួន៧នាក់ ក៏បានដល់ប្រទេសកម្ពុជានៅព្រឹកនេះផងដែរដើម្បីចែករំលែកបទពិសោធន៍ដល់កម្ពុជាក្នុងការប្រយុទ្ធប្រឆាំងនឹងកូវីដ-១៩។ ក្រុមគ្រូពេទ្យទាំងនោះក៏បាននាំយកនូវ បរិក្ខាពេទ្យសម្រាប់ប្រើប្រាស់ពាក់ព័ន្ធនឹងជំងឺកូវីដ-១៩។