កូវីដ-១៩, ព័ត៌មានជាតិ, សុខភាព

កម្ពុជារកឃើញអ្នកផ្ទុកកូវីដ-១៩ចំនួន៤ករណីថ្មីទៀត

លោក ស៊ុន សុខេន
| ២៤ មីនា ២០២០
ម៉ោង ២១:៤១

មន្ត្រីជំនាញសុខាភិបាល ចុះពិនិត្យសុខភាពអ្នកសង្ស័យថាមានផ្ទុកកូវីដ១៩។ (នាយកដ្ឋានប្រយុទ្ធនឹងជំងឺឆ្លង CDC)

ករណីអ្នកផ្ទុកកូវីដ-១៩ នៅកម្ពុជា បានកើនដល់៩១ ក្រោយពីក្រសួងសុខាភិបាលបានប្រកាសរកឃើញករណីថ្មីចំនួន៤ទៀត លើជនជាតិអង់គ្លេស និងអាមេរិកដែលជាភ្ញៀវទេសចរនៅលើនាវា Viking Cruise Journey។

នេះបើយោងតាមសេចក្តីជូនព័ត៌មានរបស់ក្រសួងសុខាភិបាលដែលចេញផ្សាយនៅយប់ថ្ងៃទី២៤ ខែមីនានេះ។ ករណីទាំងបួននោះត្រូវបានរកឃើញលើជនជាតិអង់គ្លេស២ករណី និងអាមេរិក២ករណី។ ពួកគាត់ទាំង៤នាក់ជាមនុស្សក្នុងចំណោមអ្នកដំណើរនៅលើនាវា Viking Cruise Journey ចំនួន៥៧នាក់ដែលត្រូវដាក់ឱ្យនៅដាច់ដោយឡែកក្នុងរយៈពេល១៤ថ្ងៃនាពេលកន្លងទៅ ក្រោយពីរកឃើញអ្នកផ្ទុកកូវីដ-១៩នៅលើនាវានេះ៕

រក្សាសិទ្វិគ្រប់យ៉ាងដោយ ស៊ីស៊ីអាយអឹម

សូមបញ្ជាក់ថា គ្មានផ្នែកណាមួយនៃអត្ថបទ រូបភាព សំឡេង និងវីដេអូទាំងនេះ អាចត្រូវបានផលិតឡើងវិញក្នុងការបោះពុម្ពផ្សាយ ផ្សព្វផ្សាយ ការសរសេរឡើងវិញ ឬ ការចែកចាយឡើងវិញ ដោយគ្មានការអនុញ្ញាតជាលាយលក្ខណ៍អក្សរឡើយ។
ស៊ីស៊ីអាយអឹម មិនទទួលខុសត្រូវចំពោះការលួចចម្លងនិងចុះផ្សាយបន្តណាមួយ ដែលខុស នាំឲ្យយល់ខុស បន្លំ ក្លែងបន្លំ តាមគ្រប់ទម្រង់និងគ្រប់មធ្យោបាយ។ ជនប្រព្រឹត្តិ និងអ្នកផ្សំគំនិត ត្រូវទទួលខុសត្រូវចំពោះមុខច្បាប់កម្ពុជា និងច្បាប់នានាដែលពាក់ព័ន្ធ។