ព្រះមហាក្សត្រ និងសម្តេចម៉ែ នឹងយាងទៅប្រទេសចិននៅថ្ងៃស្អែកនេះ ដើម្បីពិនិត្យ និងព្យាបាលព្រះរាជសុខភាព។
ក្នុងព្រះរាជសាររបស់ព្រះករុណាព្រះបាទសម្តេចព្រះបរមនាថ នរោត្តម សីហមុនី ចុះថ្ងៃទី៣១ ខែមីនា ឆ្នាំ២០២០ ឱ្យដឹងថា នៅថ្ងៃពុធ ទី០១ ខែមេសា ឆ្នាំ២០២០ ព្រះមហាក្សត្រ និងសម្តេចម៉ែ នឹងយាងទៅពិនិត្យព្រះរាជសុខភាព នៅទីក្រុងប៉េកាំង ប្រទេសចិន។
ប្រភពដដែលឱ្យដឹងថា ក្នុងពេលព្រះរាជអវត្តមានរបស់ព្រះអង្គ ប្រធានព្រឹទ្ធសភា លោក សាយ ឈុំ នឹងមកធ្វើជាប្រមុខរដ្ឋស្តីទី៕