ក្រសួងធនធានទឹកនិងឧតុនិយមស្នើទៅអភិបាលរាជធានី-ខេត្តឱ្យជួយទប់ស្កាត់ការរំលោភចាក់ដីលុបចំណីច្រំាងទន្លេ ស្ទឹង ព្រែក អូរ ប្រឡាយ និងអាងទឹកបឹងបូ។
ក្នុងលិខិតស្នើសុំចុះថ្ងៃទី៨ ខែឧសភា ឆ្នាំ២០២០របស់ក្រសួងធនធានទឹកនិងឧតុនិយម ឱ្យដឹងថា ស្របពេលដែលស្ថានភាពសេដ្ឋកិច្ចប្រទេសកម្ពុជាមានការរីកចម្រើននោះ រយៈពេលប៉ុន្មានឆ្នាំចុងក្រោយនេះ កំណើននៃការសាងសងមានគួរឱ្យសម្គាល់ដែរ។
ក្រសួងថា ការរីកចម្រើននេះ បានធ្វើឱ្យសកម្មភាពអវិជ្ជមានមួយចំនួនដូចជា ការរំលោភចាក់ដីលុបចំណីច្រំាងទន្លេ ស្ទឹង ព្រែក អូរ ប្រឡាយ និងអាងទឹកបឹងបូ ដែលជាទ្រព្យសម្បត្តិសាធារណៈរបស់រដ្ឋ។
លោកថា៖«ក្រសួងធនធានទឹកនិងឧតុនិយមមានការព្រួយបារម្ភជាខ្លាំងចំពោះបញ្ហាដែលអាចកើតឡើងដល់លទ្ធភាពនៃការរំដោះទឹក និងបង្កជាគ្រោះថ្នាក់មហន្តរាយទឹកជំនន់ ដោយសារ ចំណីមាត់ច្រាំងទន្លេស្ទឹង ព្រែក អូរ ប្រឡាយ និងអាងទឹកបឹងបូ ឬតំបន់ផ្ទៃរងទឹកភ្ញៀងមួយចំនួនត្រូវបានរំលោភចាក់ដីលុប និងការកសាងសង់បិទផ្លូវទឹកនានា ដោយពុំស្របតាមលិខិតបទដ្ឋានគតិយុត្តជាធរមាន»។
ក្រសួងធនធានទឹកនិងឧតុនិយមស្នើទៅអភិបាលខេត្ត-រាជធានីឱ្យចាត់វិធានការ ដើម្បីទប់ស្កាត់ការរំលោភចាក់ដីលុបចំណីច្រំាងទន្លេ ស្ទឹង ព្រែក អូរ ប្រឡាយ និងអាងទឹកបឹងបូ ដែលមិនស្របទៅតាមច្បាប់៕
