ក្រុមអឺរ៉ុបកំពុងកៀរគរថវិកា៤៨៣លានដុល្លារដើម្បីជួយគាំទ្រដល់កម្ពុជា កាត់បន្ថយផលប៉ះពាល់សេដ្ឋកិច្ច និងសង្គម ដែលបណ្តាលមកពីឥទ្ធិពលនៃការឆ្លងរាលដាលមេរោគកូវីដ១៩។
ក្រុមអឺរ៉ុបគឺជាផ្នែកមួយរបស់សហភាពអឺរ៉ុបបង្កើតឡើងដើម្បីជួយ ដល់ប្រទេសដែលរងគ្រោះដោយសារមេរោគកូវីដ១៩ផងដែរ។
ក្នុងសេចក្តីប្រកាសព័ត៌មានចុះថ្ងៃទី១១ ខែមិថុនាឆ្នាំ២០២០ របស់ក្រុមអឺរ៉ុប ឱ្យដឹងថា ការកៀគរថវិកា ៤៤៣ លានអឺរ៉ូឬ ស្មើនឹង៤៨៣ លានដុល្លារ គឺជាជំនួយឥតសំណងផងនិងជាកម្ចីផង ដើម្បីអនុវត្តការងារជាមួយកម្ពុជា ក្នុងការប្រយុទ្ធប្រឆាំងការរាតត្បាតជាសកលនៃជំងឺកូវីដ-១៩ ។
សេចក្តីប្រកាសព័ត៌មាន ដដែលថា ជំនួយហិរញ្ញវត្ថុ និងជំនួយបច្ចេកទេសដែលក្រុមអឺរ៉ុបជួយកម្ពុជា ដើម្បីឆ្លើយតបទៅនឹងតម្រូវការចំពោះមុខ និងការពារក្រុមដែលងាយរងគ្រោះជាងគេ រួមទាំងកាត់បន្ថយផលប៉ះពាល់សង្គម សេដ្ឋកិច្ច ដែលកើតឡើងដោយសារវិបត្តិ ដែលបង្កដោយកូវីដ១៩ ។
កាលខែមេសា កន្លងមក សហភាពអឺរ៉ុបបានផ្តល់ជំនួយ ៦០លានដុល្លារដល់កម្ពុជា ដើម្បីប្រយុទ្ធប្រឆាំងនឹងជំងឺកូវីដ១៩៕
